Man Utd legend pakhatin C Ronaldo thlang lova Harry Kane a thlan zawk chhan a sawi

Manchester United legend Teddy Sheringham chuan dream team thlang dawn ta se, Cristiano Ronaldo aiah Harry Kane a thlan zawk tur thu a sawi.

Tottenham Hotspur striker Harry Kane hi Manchester United thiampuipa C Ronaldo aiin team player a nih zawk thu United legend Teddy Sheringham chuan a sawi.

Kan hriat angin England skipper Kane hi summer transfer lai khan Manchester City nena sawi zawm a ni a, Spurs a chhuahsan teuh hle. Tun season khelh mekah Tottenham tan duh angin ala che tha lo.

United lama che tha tak Sheringham chuan Ronaldo aiin Harry Kane hi Fantasy XI ah pawh a thlang a ni.

Kum 55 a upa Sherringham’an Football London a hrilh dan chuan, “C Ronaldo hi a tha hle, mahse, Harry Kane ka thlang zawk” tiin a hrilh.

“Team tan a thawk hlawk zawkin ka hria a, team tan a thawk a ni.”

“Goal a khung tih pawh ka hria, a chang chuan a selfish thei hle. Mahse, centre forward i nih chuan hetiang hi i nih a ngai.”

“Team tan pawh hmahruaitu a ni a. A selfish lo hle, mahse, a huntaka selfish hi a ngai, chutichuan goal i khung teuh thei ang.” tiin a sawi bawk.

“Ronaldo hi player pahnih zinga tha tak pakhat a ni, mahse, a kianga khelh chu a nuihzatthlak hle ang. Khawi hmun atang pawhin goal a khung thei a, chhan chu a tha tak zet, mahse, midang tan a khel lo tak zet a ni.”

“Hei hi tlemin a na deuh mai thei, mahse, player atang enge maw tak hmuh hi ka duh zawk a ni, tu bulah nge khelh i duh zawk tiin min zawt ta la. Player min chawm/puih theitu tur bula khelh chu ka thlang zawk ngei ang.” tiin Sherringham chuan a sawi.

Tun season khelh mekah Harry Kane hi a che tha vak lova, hetihlai hian Man Utd superstar Cristiano Ronaldo chuan match 18 a khelh tawh atang goal 13 lai a khung leh der tawh a ni.

Source The Sun Football

Related Posts

error: Content is protected !!