Manchester United star Luke Shaw chuan sum tam tham tak hmanga an lak luh, Old Trafford lama che tha vak lo Jadon Sancho a chhan a ni.
Jadon Sancho hian 2020/21 season tha taka a hman hnuin Red Devils a zawm a, Borussia Dortmund tan khan all competion-ah goal 16 a khung mai bakah assist vawi 20 lai a nei tling a ni.
Mahse, Kum 21 a upa Sancho hian Man United tan game 9 a khelh tawh atangin goal a la khung rih lova, hei mai bakah assist pawh ala nei rih lo a ni. Mahse, Red Devils defender Shaw chuan England International hi a rawn tha chho dawn chauh niin a sawi.
“A chang chuan, mipui te tan hun a duh deuh thin.” tiin Man United fullback chuan a sawi niin TalkSPORT chuan a tarlang. Luke Shaw leh Jadon Sancho hi England tan an fehchhuak mek.
“Chet chhiat chungchang ka sawi dawn lova, a chhan chu, tun dinhmunah a che chhia in ka hre lo. A thawkrim em em a, training zawh tawh hnu te pawhin ala bei fan zel a ni.”
“A training tha em em a, a hriam tawh hle niin a lang. A vanduai vang pawh a ni mahna, goal khatna emaw assist vawikhatna neih chu a mamawh a ni. Mahse, ka rinna hi ka ringhlel lo, a rawn che tha dawn chauh.”
“A talent neih hi rinphakbak a ni a, a chungnung ber a ni thei a ni. Tunah chuan a hmalam hun chauh a thlir a, traingin naah a thawkrim em em bawk. A hun ala thleng ve mai ang.” tiin Luke Shaw chuan Jadon Sancho a chhan a ni.
Source SL