Manchester United chuan vawiin hian Rasmus Hojlund man tur official bid an theh lut leh dawn niin report chuan a tarlang.
Red Devils in tun nipui bazarah an squad thawmtha turin Chelsea atanga English midfielder Mason Mount an lâkluh tawh bakah Inter Milan atangin Cameroon goalkeeper Andre Onana an lalut tawh bawk a, tunah chuan Rasmus Hojlund lâkluh chu an hna pui ah an nei thei tawh.
Danish striker hian mimal thilah Man Utd chu inremna a neih fel pui tawh a, a chungchangah club pahnihte an inbe rem thei anih phawt chuan kum 20 a upa forward hian Old Trafford lam a pan ang.
Sky Sports Italy chuan Man Utd in Hojlund man tur official bid chu vawiin hian an theh lut dawn niin a tarlang a, an bid tur zat tak erawh tarlan nilo mahse £60 bawr vel nia sawi a ni.
Red Devils hian kar hmasa khan Hojlund man tur £40 million leh player an lo offer tawh niin report chuan a tarlang a, amaherawhchu Atalanta lam hian an striker manah sum fai £85 million an duh thu anmahni dawrtute an hrilh.
Man Utd in Hojlund mana Atalanta phut zat hi an theh chhuak ngam ang em tih chu zawhna awm mêk a ni a, chuhtihrualin transfer budget la bang tlem leh player hralhna atang te a an sum hmuh bekhkhawmin an lalut thei mahna.
Man Utd in lakluh tuma an hel mêk laiin Rasmus Hojlund hi Paris Saint Germain lam pawhin an ngaihven thar a, ani bakah Juventus striker Dusan Vlahovic pawh Ligue 1 champion rim lai mêk a ni.
