Manchester United chuan West Ham United hnenah an midfielder Scott McTominay chu tlawm taka an chhuah loh tur thu an hrilh chiang.
West Ham United hian McTominay chungchangah Man Utd an be pawp tawh a, Red Devils hian West Ham hnenah an midfielder hi an duh takzet anih chuan offer liantham an rawn chhawpchhuah a ngaih thu an hrilh niin Sky Sports chuan a tarlang.
United chuan Scottish international hi team player pawimawh takah an ngai a, hralhchhuah ai chuan la kawl zel an rilruk. Kum 26 a upa hian season hmasa khan a team tan inelna hrang hrangah game 39 a inla, chung zingah 16 ah te chuan inkhelh bul a tan bawk.
David Moyes chuan McTominay hi an midfielder Arsenal lama £105 million meuha an hralhchhuah Declan Rice thlaktu tura lakluh an duh a, ani bakah Southampton captain James Ward Prowse pawh Hammers lam hian an midfield lai tichak zual tura lakluh tum mek in inbiakna pawh a kaltluang hle nia sawi a ni.
Naktuk zinglam dar 6 ah Man Utd chuan pre season game dang an khel leh dawn a, NRG Stadium, USA ah Spanish club ropui Real Madrid nen an inhmachhawn ang.