Kan hriat angin Real Madrid legend, captain ni bawk Sergio Ramos’an Real Madrid a chhuahsan thu a puang a, Manchester United in Sergio Ramos an duh loh chhan kan rawn thailang leh dawn a ni.
Kum 35 a upa Sergio Ramos chuan tun thla tawp rual hian Los Blancos a chhuahsan tur thu a sawi a, Thursday press coference an neihnaah club leh fan te a mangtha.
A chhuah tur chungchangah thusawina neiin, Ramos chuan Real Madrid-ah contract pawhsei duh mahse, club lamin contract pawhsei lam an sawi pui tawh lo niin a sawi a, Club nena an relationship a chhe tawh nia a rin thu a sawi bawk.
Ramos hi free agent in a chhuak dawn a, a signature duhtu club pawh an awm nual, Daily Mail in an tarlan dan chuan Ramos duhtu zingah Manchester United an tello niin an tarlang. Hriat angin tunhnai transfer thuthangah Ramos duhtu zingah United an langsar hle niin an sawi a nih kha.
Spain international Sergio Ramos leh Manchester United te hi Louis van Gaal hunlai atang tawha sawi zawm an lo ni tawh. Mahse, Manchester United in Real Madrid chu Contract chungchangah an kar lui niin an puh a, hei vang hian United lamin lak luh an duh lo niin an sawi.
Free agent in chhuak mahse, Man Utd lam chuan Ramos hi an lak luh a rinawm lo, amah duhtu zingah hian Paris Saint-Germain leh Manchester City an langsar leh hle. Ramos hian FC Barcelona leh a club hlui Sevilla a pan loh tur thu a sawi.
UEFA Champions League vawi 4 chawi tawhtu Sergio Ramos hi Real Madrid-ah kum 16 chhung teh meuh mai a awm hnuin a chhuak dawn a, Los Blancos tan match 671 lai mai a khel tling a, goal 101 a khung bawk.
Source SL