Man Utd in loan a Xavi Simons hawh an rilrûk

Paris Saint Germain rawlthar Xavi Simons lâkluh tumtu zingah Premier League club lian Manchester United an tel thar ve leh ta.

Kum 20 a upa Dutch international hian PSV a season khat a hman hnuin Paris Saint Germain chuan a buy back clause euro 6 million in an lei let a, amaherawhchu Ligue 1 champion hian an player thar hi loan a chhuahtir leh nghal mai an rilrûk.

L’Equipe chuan PSG in an player lâkluh thar Simons hi loan hmanga season khat chhung thawnchhuah lehnghal an duh thu a tarlang a, German club RB Leipzig chu tun dinhmuna Simons hnaih ber tu te anni bawk.

Amaherawhchu tun hnai mai khan French a report chuan Manchester United in Xavi Simons an ngaihven thu a tarlang a, transfer budget an neih tam loh avangin Red Devils hian PSG duh ang ngeiin Simons chu loan a hawh an rilrûk mêk.

Erik Ten Hag an kuminah a squad thawmtha turin Mason Mount a lalut tawh a, Inter Milan goalkeeper Andre Onana a lâkluh fel tep bakah Atalanta striker Rasmus Hojluna a la beisei bawk.

Red Devils boss a la duhtawk mai lo niin a lang a, a hmatawng tichak zual turin Dutch attacking midfielder Xavi Simons chu loan a hawh a duh. Simons hian PSV tan 2022/23 season a hmang tha em em a, Eredivisie ah league game 34 a inlan atangin goal 19 leh assist vawi 8 a thawkchhuak.