Man Utd in Liverpool attacker lak tum kum 24 a upa chu lak an tum ve dawn – Report

Liverpool lak tum FC Porto forward Luis Diaz hi Manchester United lam pawhin lak an tum ve niin report in a tarlang.

Winter transfer window inhawn hunah Red Devils hian an squad thuam that an tum ngei ringtu an tam hle. A hmasa bera an mamawh pakhat chu central midfielder a ni ngei ang. Fichajes in a tarlan dan chuan Manchester United hian Luis Diaz hi lak luh an tum dawn niin a tarlang.

Red Devils hi attack lamah an hriam vak lova, hunrei tak chhung atana Cristiano Ronaldo leh Edinson Cavani thlaktu tur ngaihtuah an mamawh a ni. Porto star Diaz hi sir lam pawha khel thei a ni a, Manchester United hian goal khung leh nawr lamah an chhawr thei viau dawn a ni.

Mahse, Ralf Rangnick leh United hian kum 24 a upa Diaz hi awlsam takin an lak theih a rinawm lo, a chhan chu elpui tur annei dawn tlat. Diaz la duh zingah hian Liverpool leh Manchester United pawh hi an tel a, anni phei hi chuan Porto lam pawh an be der tawh niin an sawi.

Citizens lam hi chuan an goalscorer an mamawh vak lo pawh a ni maithei a, Diaz hi Liverpool tan erawh a pawimawh thei viau dawn mai.

Liverpool hian hunreilo te chhung Sadio Mane leh Mohamed Salah hi an chan lovang tih a sawi theih lova, thla khat vel hnuah Africa Cup of Nations khelh an mamawh dawn. Anni pahnih hi Liverpool tan chuan goal khungtu ber anni a, Tun season khelh mek Premiere League leh UEFA Champions League lama an goal khung belhkhawm zawng zawng chu goal 30 a tling a, Liverpool hian goal 62 an khung a, goal 30 hi an pahnih khung a ni.

Luis Diaz hi an la lut thei a nih chuan an attack lamin hma a sawn hle ang. Diogo Jota leh Divock Origi ang thovin an that pui ngei a rinawm.

Manchester United leh Liverpool target Luis Diaz hi tun season-ah FC Porto tan a che tha

Tun season khelh mekah Luis Diaz hi Porto tan a che tha hle a. Primeira Liga match 22 a inlan atang goal 13 lai a khung tling mek. Porto striker first choice ni lo mahse, hetiang zat zat goal a khung thei a ni.

Kum 24 a upa hi Club tan chauh a che tha a ni lova, a ram Colombia tan pawh a che tha hle. Match 31 a khelh atang goal 7 lai a khung a ni. 2021 Copa America ah khan pathumna dinhmun an hauhva, Lionel Messi goal khung zah tho a khung ve.

Manchester United emaw Liverpool lamah hian insawn ta se an that pui theih mai i ring em?

Source SK

Related Posts

error: Content is protected !!