Borussia Dortmund superstar Jadon Sancho chu Manchester United lamin an la lut hnai niin an sawi a, Red Devils lamah a lut thei a nih chuan a hlawh zat tur pawh an puang niin report in a tarlang.
Europe report hrang hrangin an tarlan dan chuan kum 21 a upa Jadon Sancho hian Premiere League club lian Manchester United chu a zawm tep tawh thu an tarlang deuh vek tawh a ni.
Kum 2017 khan Jadon Sancho hian Borussia Dortmund a zawm a, Singal Iduna Park a zawm atanga vawiin ni thlengin match 137 ah a inlan tawh a, goal 114 lai maiah a inhnamhnawih tawh a ni.
Daily Star in a tarlan dan chuan Manchester City player hlui Sancho hian Germany club Borussia Dortmund ah karkhatah £100 000 a hlawh niin an tarlang a, Premiere League club Manchester United a zawm chuan kar khatah Germany lama a hlawh let hnih ai tam a hlawh dawn niin an tarlang bawk.
2020 UEFA European Championship khelh mekah The Three Lions tan Jadon Sancho hi match khat chauh a la inlan thei a, Red Devils lamin an la lut thei a nih ngat chuan kar khatah £250 000 lai mai a hlawh dawn niin an sawi.
Hetiang zat a hlawh thei a nih chuan Manchester United player hlawh hnem zingah a tel dawn a, tunah hian Man Utd goalkeeper David de Gea chu Man Utd player hlawh hnem ber a ni mek.
Tuna Manchester United player hlawh hnem zual top 13 te:
13) Donny van de Beek – £120 000
12) Nemanja Matic – £120 000
11) Victor Lindelof – £120 000
10) Fred – £120 000
9) Luke Shaw – £150 000
8) Juan Mata – £160 000
7) Bruno Fernandes – £180 000
6) Harry Maguire – £190 000
5) Marcus Rashford – £200 000
4) Edinson Cavani – £210 000
3) Anthony Martial – £250 000
2) Paul Pogba – £290 000
1) David de Gea – £375 000
Source SL