Centre forward thar mamawh tak Manchester United chuan Rasmus Hojlund man tur official bid theh lut turin an inbuatsaih mek. Daily Telegraph tarlan danin Man Utd chuan Hojlund man tur bid hmasa ber an theh lut hnai a, Erik Ten Hag chuan a hmatawng tichak zual turin Danish international hi sign a duh.
Kan hriat ang in Man Utd in transfer budget an nei tam lova, chutihrual chuan Hojlund man turah hian £50 million an inseng ngam nia sawi a ni a, heihi Atalanta lam beisei zat pawh a ni bawk.
Erik Ten Hag an a squad thawmtha turin Mason Mount chu Chelsea atangin £60 million (add ons tel) in a sign fel tawh a, goalkeeper Andre Onana leh striker Rasmus Hojlund te chu a lakluh tum leh dangte anni mek.
Kum 20 a upa Hojlund hian season hmasa khan Atalanta tan league game 32 (20 starts) a inlan atangin goal 10 leh assist vawi 2 a thawkchhuak a, Euro 2024 qualifier match ah Denmark tan game 4 a inlan atanga goal 6 khung tawh in he inelna ah hian Belgium striker Romelu Lukaku nen top scorer anni mek.
Ten Hag lakluh tum dang Onana manah Inter Milan chuan £50 million an chhiar a, Man Utd chuan £45 million vela an tlakhniam theih an beisei. Tin, Red Devils hian Hojlund manah £50 million vel an theh chhuah leh a ngai dawn a, hetiang anih chuan player pathum lakluh nan Man Utd in £150 million chuang an inseng dawn tihna a ni.
Man Utd in kuminah player lakluhna tur budget £100 million – £120 million vel bak an nei lova, hetiang anih chuan an player kawllai hralhna atanga sum an hailuh nual a ngai dawn.
Tun dinhmunah Fred, Mc Tominay, Harry Maguire, Anthony Martial, Donny van de Beek, Dean Henderson, Eric Bailly, Brandon Williams leh Alex Telles te chu Man Utd ah an hma hun zel tur a chiang lova, chhuak tur an kat nuk in a rinawm. Red Devils hian kuminah player hralhna atanga £50 million vel tal an lalut thei anih chuan player lakluhna tura an sum sen theih zat hi a punbelh sawt dawn a ni.