Hriat angin Manchester United hi Europe ram hrang hranga club lian zinga pakhat a ni. Tunah hian Borussia Dortmund striker Erling Haaland lak luh theihna chance an tha hle niin an sawi.
German football expert Guido Schafer chuan Red Devils hian an manager avangin Erling Haaland lak luhn theihna chance an neih that thu a sawi.
Guido Schafer sawi zel dan chuan Rangnick hmingthatna pakhat chu Europe ram hrang hrangah hian young player tamtak, agent leh manager tamtak te hmelhriat a ngah a pawh hlawm em em niin a sawi. Hei vang hian Manchester United pawhin kum 21 a upa Erling Haaland lak luh theihna chance an nei tha niin a ngai.
United boss Ralf Rangnick hian tun summer transfer lo awm turah Haaland hi Old Trafford lamah a hruai lut thei ang em tiiin an zawt a, Germain football expert Guido Schafer chuan ti hian Stretford Paddock’s Tier 1 Podcast a hrilh.
Ralf Rangnick could help Manchester United complete dream Erling Haaland transfer. #mufc https://t.co/D9VCMF8MFs pic.twitter.com/XrioloJ7fc
— Man United News (@ManUtdMEN) November 26, 2021
“Aw, ka ring. Ralf Rangnick hming hi hming tha tak a ni, Europe-a lar tak mi pakhat a ni bawk. Rawlthar player tamtak a pawh nasa a, hei mai bakah manager leh agents te pawh hmel hriat a ngahin a pawh hlawm em em a ni.” tiin Guido Schafer chuan a sawi.
“Rangnick hian RB Leipzig lamah player tha tak tak Upamecano, Konate, Werner leh mi dang te pawh ala lut nual tawh a, hei hi Manchester United tan Erling Haaland lak luh theihna chance ropui tak a nih ka ring. Rangnick hian a chhung te a be hmasa ber anga, chuan player chutiang bawkin agent a be leh ang.”
“A fing em a, manchester united hian Erling haaland lak luh theihna nan chance tha tak annei niin ka ngai mai.” tiin Guido Schafer chuan a sawi belh bawk.
United boss Ralf Rangnick hian Erling Haaland hi ala lut leh thei mai lovang maw?
Source SK