Manchester United chuan kumin nipui bazara an player sign hmasak ber ni turin Mason Mount chu Chelsea atangin an lalut fel ta.
Kum 24 a upa manah hian Red Devils chuan £55 million + £5 million an insêng a, kum 5 chhung daih tur contract an ziahpui.
Mount hi Blues chuan contract thar ziak turin thlem mahse an inhmin thei lova, Chelsea elpui leh hmelma ni bawk Man Utd in Mount hi dawr zui nghal zatin hun engemaw chen hnuah an sign fel thei ta a ni.
Chelsea academy graduate hian a chhuahsan tâk Blues tan game 195 khel in goal 33 leh assist vawi 37 a thawkchhuak a, 2021 leh 2022 ah te khan Chelsea Player Of The Year a thlan a lo ni tawh bawk.
Kum 24 a upa hian a club hlui tan trophy 3; UEFA Champions League, UEFA Super Cup leh Club World Cup te a chawi a, 2021 UCL final a Chelsea goal lut awmchhun assist tu a ni nghe nghe.
Mount an Man Utd a zawm fel tawh a, £60 million man midfielder ah hian Ten Hag leh United fans te pawhin beiseina sang tak an nei ngei ang.