Manchester United chuan Fiorentina midfielder Sofyan Amrabat an lalut hnai niin report chuan a tarlang.
Kum 26 a upa hi Fiorentina lam chuan chelhbeh tumin theihtawp chhuah mahse an hlawhtling dawn lo niin a lang a, Amrabat hian club lian zawka insuan a duh avangin a contract neihlai pawhsei tumna a nei lo.
Contract thar ziah a tum tâk lo ah chuan Fiorentina lam pawhin an midfielder club a season khat bak contract nei tawh lo hi kumina hralhchhuah mai an duh a, a manah Man Utd lam nen €25 million in an inrem fel tih Gazetta dello Sport chuan a tarlang.
Amrabat hian season hmasa khan a team tan inelna hrang hrangah game 47 a inlan a, player pawimawh ber te zînga mi a ni. Tin, a ram Morroco chu 2022 FIFA World Cup ah semifinal hial a thlen pui a, World Cup a African ram semifinal inhlangkai thei hmasa ber anni nghe nghe bawk.
Hetih mêk lai hian Man Utd chuan an midfielder pahnih Fred leh Scott McTominay te chu tun nipui bazara chân thei reng anni a, Brazilian international Fred hi Galatasaray leh Fulham te’n an dawr mêk laiin Scott McTominay pawh West Ham in Declan Rice thlâktu tura lâkluh an duh.
