Football pundit pakhat chuan Cristiano Ronaldo’an Manchester United a pan leh hnuah hmasawn lam aiin an hnungtawlh zawk niin a sawi. Kan hriat angin summer transfer (August thla) khan C ROnaldo hi Man Utd lamah a kir leh a ni.
Season tan tirh khan kum 36 C Ronaldo chuan Red Devils a zawm a, United a zawm hma hian Man City nen sawi zawm niin City lam a pan teuh hle.
Citizens lamin lak an tum loh hnuah United rawn lang nghalin, English champions vawi 20 lai lo ni tawh United chuan an player hlui C Ronaldo chu an la lut leh ta a ni. Man Utd boss Ole Gunnar Solskjaer chuan C Ronaldo hi an that pui ngei ring mahse, tun dinhmunah erawh an la that pui chiah rih lo niin a lang.
Arsenal midfielder hlui Paul Merson, tuna football pundit ni mek chuan Manchester United hian Portugal international lak let leh hi an mamawh lo niin a ngai a, United team te chet dan chu that pui ai mahin a chhiat pui zawk niin a sawi.
“Keima mimal ngaihtuahnaah chuan Cristiano Ronaldo tel lovin Man Utd hi football team tha tak an ni zawk,” tiin Paul Merson chuan Sky Sport a hrilh.
“Kum hmasa lamah khan khelh hrang hrangah unbeaten run an nei tha hle a, a bik takin counter attacking-ah an tha hle. Kha tih lai khan Ronaldo hi ala awm lo. Tunah chuan hun kal tawh a ni a, attacking velah an tha vak tawh lo.”
“A nihna takah chuan season khata goal 20 khung thei neih a, eng nomawi mah chawi lo, Spurs in Harry Kane an nei. Striker goal khung thei tak nei mah ila, top 4 spot-ah awm ngei ngei na a ni lo.” tiin a sawi tel bawk.
Tun season khelh mekah C Ronaldo hian Red Devils tan match 12 a khelh tawh atangin goal 9 a khung mek. Premiere League bikah parukna dinhmun an hauh mek a ni.
Source Sl