Chelsea chuan Juventus defender Matthijs de Ligt chu Antonio Rudiger thlaktu tur atan an duh niin report in a tarlang. Manchester United lamin Rudiger hi lak luh an tum dawn vang niin Report in a tarlang.
Chelsea hian an defender Antonio Rudiger tellova hun hmang thei turin an inbuatsaih a ngai dawn niin a lang bawk.
Rudiger hian Chelsea tan contract thar dang ala sign rih lova. Hei vang hian January transfer lo awm turah amah duhtu ten an be thei dawn tihna a ni.
Chelsea lam hian Rudiger thlaktu tur atan Matthijs de Ligt chu an ngaihven a, mahse, Manchester United lam pawhin Dutch defender hi an ngaihven ve tho niin an sawi.
Juventus lamin sum lamah harsatna an tawh mek lai hian Chelsea leh Manchester United chuan kum 22 a upa Matthijs de Ligt chu man tlawm zawka lak luh an tum dawn niin report in a tarlang.
Kum 2019 khan Juventus chuan Ajax atangin Mathhijs de Ligt hi £74 million lai maiin an la lut a, De Ligt hian Ajax chu UEFA Champions League semi finals a luh pui a nih kha.
Juventus in season liamtaah khan Serie A title an la thei lova, tun dinhmunah pawh top 4 an la hauh pha lo. Season thar UEFA Champions League an khel zo lo a nih ngat chuan, an player thenkhatte an chhuahtir nual a rinawm.
Source SL