Report in a tarlan dan chuan Cristiano Ronaldo leh Manchester United lama a teammate thenkhatte chu an intithiamlo niin a tarlang.
The Telegraph in a tarlan dan chuan kum 36 a upa Cristiano Ronaldo hian a teammate thenkhatte chu team in hma a sawn theihna turin an inbuatsaih lo niin a sawi. Hei hi Player thenkhatte chuan an la na deuh niin an tarlang bawk.
Kan hriat angin Real Madrid leh Juventus lamah hun a hman hnuin August thla khan C Ronaldo hi United lamah a kir leh a ni. Mahse, Red Devils lama C Ronaldo dinhmun hi a hun hman hmasak zawk a pha lo ti ila kan sawi sual awm love.
Thla hnih liamta vel atang khan Man United team te an che tha lo hle a, Ole Gunnar Solskjaer hian result tha a hlawhchhuah pui thei meuh lo. Hei vang hian Man Utd dressing room lamah inngaihlohna pawh a chhuak nasa niin report in a tarlang.
Premiere League match 7 an khelh atangin vawi 5 lai mai an tlawm a, Pathianni khan Board lamin emergency meeting neiin Norwegian chu an manager atang an ban nghe nghe.
Cristiano Ronaldo hi Manchester United squad thlak duhtu a ni a, player te chu an theihtawp chhuah turin a duh. Mahse, a teammate te chet danah lungawina a hmu zo lo niin an sawi.
Edinson Cavani pawh hian Man Utd squad chu tun aia thawkrim turin a duh a, tha taka che leh turin a teammate te a fuih ve bawk. Kan hriat angin C Ronaldo leh Edinson Cavani hi Man Utd squad-ah chuan upa ber anni a, an teammate te chu an duh angin an che lo niin a lang.
Source SL