Manchester United legend Jaap Stam chuan Manchester City striker Erling Haaland dan theih dan a sawi chhuak.
Kum 22 a upa Erling Haaland hian summer transfer lai khan Borussia Dortmund atang Manchester City a zawm a, Premiere League match 7 a khelh tawh atang goal 11 khungin, hat trick vawi 2 a siam bawk.
UEFA Champions League lamah pawh goal 3 a khung mek a, tun season khelh mekah City hian unbeaten run annei mek.
English football-ah Erling Haaland test na turin tun kartawp hian Eithad Stadium-ah Man United an hmachhawn dawn a, goal khung thei tak ang maw.
Norway international hian United centre back Raphael leh Lisandro Martinez te a hmachhawn a ngai dawn a, anni pahnih inkawp hi a fuh ang reng a, Premiere League-ah a zawnin vawi 4 lai mai hnehna an chang tawh a ni.
Jaap Stam hi a hunlai kha chuan defender tha ber pawl tia an sawi thin a ni ve a, Old Trafford lama hun a hman chhung khan league nomawi vawi 3 a chawi ve hman a ni.
“Chet that viau a ngai dawn, City lamin ball an chang anih chuan City half lamah dan beh a ngai dawn a, chuan tuemaw kha Haaland kiangah awm reng bawk se, game khel hman lova siam a pawimawh hle ang, a bik takin ball in hlah palhin Haaland hi che hman lova siam kha a ni.” tiin Jaap Stam chuan bet365 a hrilh.
“Amah cover reng chu a pawimawh dawn a, chu ti ni lova one versus one-a i hmachhawna, i hnung lamah hmun awl a tam lutuk chuan a harsa viau dawn. Chuvang chuan amah hi dan beh tawp a, in cover zung zung a ngai dawn a ni.” tiin a sawi bawk.
Kan hriat angin Erling Haaland tlan tam lutuk a ni lova, ball pawh a khawih tam vak ngailo mahse, a hun tak leh a hmun dik takah alo awm hman thin hi a thatna tak pakhat a ni.
Season hmasa khan City hian goal khungtu tak tak annei lo ti ila kan sawi sual lovang, City tana top scorer chu Kevin De Bruyne a ni a, goal 15 a khung. Tun season-ah erawh Erling Haaland’an goal a khung teuh a rinawm.
Premiere League bikah season khata goal khung hnem ber te khan goal 34 theuh an khung a, a khungtute chu Andrew Cole, Alan Shearer leh Mahamed Salah te anni.
Tun angin Haaland’an goal a khung theih zel chuan 22/23 season a tawp meuh chuan goal 63 lai mai a khung tling thei dawn tihna anih chu.
Source Sl