Paris Saint-Germain chuan an manager Mauricio Pochettino an chan a nih chuan Real Madrid manager hlui Zinedine Zidane lak an tum niin chanchinbu mite chuan an tarlang.
Manchester United chuan an manager Ole Gunnar Solskjaer an ban hnuah PSG manager Pochettino hi lakluh an duh nia sawi a tam hle a, Pochettino pawh hian United zawm hi a hreh lo nia sawi a ni bawk.
Pochettino hian kumin January thla mai khan PSG hi a enkawl tana, PSG hian thla 18 daih contract ziahpuiin, Pochettino-a contract neih lai hian tun season tawp thleng a daih a, mahse PSG hian kum khat danga pawhsei belh theihna an nei thung.
United hian tun season-ah manager nghet lak an tum lova, interim manager tun season tawp thleng atana lak an tum thu an sawi tawh a, tun season zawh rualin Pochettino hi Old Trafford-a seng luh an duh niin a lang.
French manager Zidane hian nipui lai khan Real Madrid a chhuahsan a, tunah hian club nei lovin a awm mek a, PSG hi a enkawl hreh lo nia sawi a ni fo a, PSG hian Pochettino hi an chelh thei lo a nih chuan Zidane hi an dawr ngei a rinawm a ni.
Source SL