Kum 2017 khan Pep Guardiola enkawlna hnuaiah Phil Foden chuan Man City tana a game hmasa ber tur a khel a, tunah hian Man City player tha ber pakhat leh rinrawl ber pakhat a ni mek.
Kum 23 a upa Phil Foden hian Premiere League winner medal 5 lai a kawl tawh a, season hmasa lama an treble theihnaah pawh khan player pawimawh tak pakhat a ni.
England leh Europe lamah khawvel defender tha tak tak alo hmachhawn thin tawh a, mahse, tun hnai lawk khan interview naah defender hmachhawn harsa a tih ber zawh a ni.
He Q&A session ah hian journalist Olivia Buzaglo chuan zawhna hrang hrang zawtin, Chelsea defender Reece James chu defender a hmachhawn tawh zinga hmachhawn harsa a tih ber thu a sawi chhuak.
Foden leh James hi Chelsea leh Man City te inkhelh tawh hi chuan boruak annei ve hak zel a, an club tan an theihtawp an chhuah ve ve thin a ni. 2013/14 season-a an inhmachhawnna thlalak hlu tak mai hmuh tur ala awm reng a, hetih lai hian kum 13 leh kum 14 a upa anni.
Foden leh James hi Pathianni zanah an inhmachhawn leh dawn a, Chelsea lamin Premiere League champion City hi Stamford Bridge-ah an lo mikhual ang, game hmuhnawm tak anih ngei a beiseiawm.
Chelsea lam hian season bul an tan chhe hle a, mahse, tunkar tir lamah khan Tottenham chu 4-1 laiin an hneh anih kha, hei vang hian Chelsea lam pawhin inrintawkna an neih a rinawm a, awlsam taka hneh erawh a harsa deuh maithei.