England lam breaking news tarlan dan chuan Manchester City nena sawi zawm ni mek Harry Kane chuan Tottenham Hotspur training ala zawm bik lo niin an tarlang.
Sky Sports in a tarlan dan chuan kum 28 a upa Harry Kane hian Thawhtan zinga Spurs training neih a zawm lo niin an sawi, Kane hian chawlh (holiday) hmang ve mahse, a hmang rei lo niin an sawi bawk.
An sawi zel danah England captain hian tun transfer-ah inremna nen thlapa club chhuah chu a tum hle niin a lang a, mahse, Lylywhites lam hian an rem tih pui chiah lo niin a lang.
Kane hian a naupan lai atanga alo khelh tawhna Tottenham chhuahsan a duh chhan pakhat chu, UEFA Champions League football khelh a duh vang leh trophies lian tham deuh chawi a duh vang niin an sawi.
Harry Kane man tur hi £100 million chung lam a nih nge a rinawm a, mahse, Spurs lamin chhuahtir erawh an hreh deuh niin a lang.
Harry Kane hian Tottenham Hotspur tan match 336 a khelh tawh atangin goal 221 lai a khung tawh a, mahse, trophy erawh ala chawi pui thei bik lo.
Source SL