Raheem Sterling hi Man City in Tottenham striker Harry Kane an luh theihna atana player 4 an offer zinga pakhat a ni.
Kan hriat angin Harry Kane chuan major trophy chawi duh vang leh chona that dang hmachhawn duh vangin tun summer hma deuh khan club chhuasan a duh thu Spurs a hrilh niin an sawi.
Harry Kane hi Premiere League club lian ten an duh nual a, Man City, Man Utd keh Chelsea te hi amah duhtu zinga langsar te chu anni.
Thla hmasa khan Man City lamin Harry Kane man atana £100 million an offer chu Spurs lamin an lo hnawlsak niin report in a tarlang a, mahse, Pep Guardiola enkawl City lam an beidawng duh bik lo.
L’Equipe in an tarlan dan chuan Premiere Champion City in Harry Kane an lak luh theihna atan Raheem Sterling, Riyad Mahrez leh Gabriel Jesus te chu an offer tel leh niin an tarlang.
Tottenham Hotspur manager thar Nuno Espirito Santo hnenah Harry Kane chungchang zawh a ni a, ani chuan Kane hi ala awm rih ang tiin a sawi.
“Harry Kane nen hian kan inhmu zing a, thil tamtak kan sawi dun bawk. Thil pakhat kan sawi tam ber chu awm rih rawh tih hi a ni.”
“Harry Kane hi khawvel football player tha ber pakhat a ni a, kan hnenah a awm a, kan player ala ni a, Tottenham player a ni. Hei vang hian kan inchhuang hle.” Tiin a sawi.
Source 90Min