Man City in Arsenal star an thlithlai – Report

ESPN in a tarlan dan chuan Manchester City in Arsenal left back Nuno Tavares chu lak luh an duh niin a tarlang. Hetihlai hian Joao Cancelo pawh tun season hian a che tha ang reng hle. Manchester City hian Cancelo elpuitu tur lak luh an duh niin an tarlang bawk.

Nuno Tavares hian tun summer transfer lai khan Benfica atang £8 million chauhvin Arsenal hi a zawm a. Arsenal lama a insawn hnu hian a che tha hle, Kieran Tierney hi an chhawr deuh zawk.

Tun season khelh mekah Tavares hian Arsenal tan all competition match 14 a khelh tawh a, left wing lamah a khel tam zawk mah. Arsenal in Premiere League match a Newcastle United 2-0 a an hneh tum pawh khan Bukayo Saka goal khung tur kha a siamsak nghe nghe.

Manchester City hian left back che tha lutuk mai Joao Cancelo an nei mek a. Tun season khelh mekah Man City tan all competion match 22 lai a khel tawh a ni. Goal 2 a khun mai bakah assist vawi 6 a nei tling. Pep Guardiola system ah Cancelo hi midfield ah a khel thei a, City chu attack lamah a puih theih dawn a ni.

Cancelo hi awm lo ta se, Manchester City hian left back position khel turin thlan tur annei tam vak lova, Cancelo thlak thei tur deuhah chuan Oleksandr Zinchenko chiah hi a ni mai. Guardiola hian a squad-ah player thar dah belh a tum a, Nuno Tavares hi a list a awm ve a ni.

Source SK

Related Posts

error: Content is protected !!