Naktuk zan zan UEFA Champions League match khel turin Manchester City lamin Paris Saint-Germain chu anlo mikhual dawn a, PSG squad-ah hian Sergio Ramos pawh a tel ve tawh a ni.
Kan hriat angin Spanish legend Sergio Ramos hi Real Madrid a chhuahsan atang khan hliam a neisa a, French club lian Paris Saint-Germain tan game ala khel lo.
Inrinni a Nantes an hmachhawn tum khan Sergio Ramos hi khel tur anga sawi ni mahse, atan ala risky deuh avangin khelh tir a ni lo. Mahse, RMC Sport in an tarlan dan chuan Manchester City an hmachhawn hunah erawh squad-ah a tel dawn niin an tarlang.
Man City leh PSG te hi qualification spot Group A ah an awm dun a, Manchester City hi Paris Saint-Germain aiin point khatin an sang mek. Season tan tirh deuh khan Mauricio Pochettino team lam hian Pep Guardiola team hi anlo hneh tawh a, mahse, Club Bruges leh RB Leipzig te an draw pui ve ve a ni. Hetihlai hian hian City erawh hnehna an la chang vek.
PSG lam atangin Marquinhos, Gianluigi Donnarumma leh Presnel Kimpembe te pawh an khelh leh theih ngei a rinawm tawh a, Ramos hi la inlan rih lo mahse, a dama a fit that hun chuan Pochettino first choice centre back a nih ngei a rinawm.
PSG superstar Kylian Mbappe pawh Thawhtanni khan na nei mahse, a training thei a, squad-ah a tel ve rin a ni. Julian Draxler leh Rafinha te chauh hi tun dinhmunah chuan la khel thei lo tura tih anni.
Man City leh PSG te hi Champions League season hmasa khan semi final ah an lo intum tawh a, Manchester City lamin 4-1 laiin hnehna an chang.
Tun season UEFA Champions League hi Paris Saint-Germain target ber a ni. A chhan chu he nomawi chawi thei tur hian sum an seng hnem hle. 2019/20 season khan an chawi teuh hle, final ah Bayern Munich chu 1-0 in an hneh lo hlauh.
Tun season khelh mekah PSG hi an che tha ang reng a, Nantes an hneh hnu khan unbeaten run vaw 7 an nei tling a ni. Manchester City hi an hneh thei mai ang em?
Source SL