Report in a tarlan dan chuan Manager tamtakin Newcastle United an hnar a, manager pakhat erawh Manchester City boss Pep Guardiola thlaktu tura rinkai ber a ni mek.
Daily Mail in an tarlan dan chuan Leicester City boss Brendan Rodger chuan Newcastle United boss nih theihna chance tha tak nei mahse, a hnar niin an tarlang.
Brendan Rodger hi hunrei tak chhung chu Steve Bruce thlaktu tura rinkai ber pakhat alo ni tawh a, mahse Man City boss Pep Guardiola thlaktu tura rinkai ber pakhat a ni leh mek.
Swansea leh Liverpool manager hlui Brendan Rodger hian Premiere League champions Man City chu enkawl a duh niin an sawi a, Kum 2013 a Roberto Mancini’an a enkawl atang tawh khan a hming hi a lang tan tawh a ni.
Kum 2016 atang khan Pep Guardiola chuan Citizens hi a enkawl tan a, kum 2023 khian a contract a zo ve dawn, hetih hunah hian chhuak tur anga sawi ni. England lamah a contract a pawtsei dawn lo niin a lang.
Kum 2009 khan Rodger hi Mancini coaching staff-ah a lut ve hman tep a, mahse, David Platt leh Brian Kidd te an lut ta zawk a ni.
Engtikniah emaw chuan a zawm ngei a rinawm e. Brendan Rodger hi manager chhe zawk zawk a ni lova, hlawhtlinna pawh a chang ve nual tawh a ni.
Source SL