Nizan zanlai Premiere League match khelhah Manchester City chuan Leeds United an mikhual a, gameweek 17 naah 7-0 lai maiin City lamin hnehna an chang. Premiere League bikah hnehna an chan zinga tha ber dawttu a ni.
Phil Foden’an goal khatna a khung chiah khan Pep Guardiola hnuaiah City in Premiere League goal 100 an khungna a ni ve bawk. Pep Guardiola hian Premiere League match 207 a khelh pui atang goal 500 an khung tling a ni.
Kum 2016 atang Manchester City enkawl tanin khawvel player tha tak tak te alo kawl tawh a, heng player te hian goal leh assist hmangin Man City an tanpui nasa hle, Premiere League club tha ber pakhat anni mek.
Tun tumah hian Manchester City boss Pep Guardiola hnuaia khel Premiere League goal khung tam zualte kan rawn tarlang ve leh dawn a ni.
5 Ilkay Gundogan – 31 goals
Ilkay Gubdogan hian kum 2016 khan Manchester City a zawm a, City a zawm hma pawh hian Bundesliga club Borussia Dortmund tan a che tha hle. Pep’an Man City a enkawl hnua a player lak luh hmasa ber a ni bawk a, vawiin thleng City player tha ber pakhat a ni mek.
Kum 2016 atanga chhutin Gundogan hian Pep Guardiola hnuaiah Premiere League match 142 a inlan tawh a, goal 31 a khung mai bakah assist 11 a nei tling.
4 Kevin De Bruyne – 39 goals
Manchester United midfielder Kevin De Bruyne hi tunlai football khawvelag midfielder tha ber pawl a ni.
Pep Guardiola hnuaiah Kevin De Bruyne hian Premiere League match 166 a inlan tling tawh a, Goal 39 a khung mai bakah assist 70 a nei tling.
3 Gabriel Jesus – 52 goals
Pep Guardiola hian City a enkawl atanga thla 6 na, January 2017 transfer khan Jesus hi a la lut a, Sergio Aguero backup tu tur atan hmangin a la lut fuh ang reng. Tunah hian City player pawimawh tak pakhat a ni.
Manchester City a zawm hnuah Gabriel Jesus hian Premiere League goal 52 a khung tawh assist 30 a nei tling bawk.
2 Raheem Sterling – 76 goals
Manchester City chuan Raheem Sterling hi kum 2015 khan Liverpool atang an la lut a, City ah hian a hlawhtling ang reng.
Pep Guardiola hnuaiah Premiere League goal 72 lai a khung.
1 Sergio Aguero – 82 goal
Aguero hi Premiere League player ropui ber pakhat a ni. Pep Guardiola hnuaiah Premiere League goal 82 lai a khung a, assist pawh thahnem tak a nei.
Source SK