Chhan pakhat vangin emaw chhan dang vangin Footballer thenkhatte chuan an hming tak aiah hming dang an thlang thin a, chungte chu kan tarlang dawn a ni.
Footballer tamtak te hian an hming tak (real names) hmang lovin hming dang hmangin an professional career an hmang a, football field chhungah chauh ni lovin, pawn lamah pawh an hmang chhunzawm thin a ni.
Mi thenkhatte chuan an hming sei vang emaw, lam harsat avang tein hming tawi zawk an thlang Entirnan, Louis van Gaal hming tak tak chu Aloysius Paulus Maria van Gaal tih a ni. Chutiang bawkin Brazilian football legend Ronaldinho Gaucho pawh hi a hming tak tak chu Ronaldo de Assis Moreira tih a ni.
Footballers thenkhatte chu an kawr hnungah first an dah, Dele Alli leh Memphis Depay hi first name dah an ni.
Memphis’an first name a hman chhan a sawi a, kum 4 a upa a nih laiin a pa in a kalbo san avangin chhungkaw hming (family name) dah a duh loh vanga first name hmanga nih thu a sawi. Dele Alli pawhin kum 2016 khan Alli nen inzawmna an neih loh vanga first name a hman thu a sawi chhuak ve bawk.
Atletico Madrid captain Koke hming tak chu Jorge Resurreccion Merodio a ni. Koke tih hi a nickname a ni. Manchester United forward hlui Javier Hernandez hming tak chu Chicharito tih a ni bawk.
Engpawhnise, footballer mahni hming tak hmang lova, hming dang hmang players 5 te kan rawn tarlang e:
5 Hulk (Givanildo Vieira de Sousa)
4 Pepe (Kepler Laveran de Lima Ferreira)
3 Franck Ribery (Bilal Yusuf Mohammed)
2 Kaka (Ricardo Izecson dos Santos Leite)
1 Pele (Edson Arantes do Nascimento)
Source Sportskeeda