Madeira, Mancheserter, Madrid leh Turin a C Ronaldo chenna in bihchianna

Mizo Football

Kan hriat angin Portuguese legend Cristiano Ronaldo hi Madeira apartment atanga nun bul tan a ni, tunah hian khawvel footballers hlawhtling ber pakhat a ni mek.

Hmun hrang hrangah khel khual tawhin, a career bul chu Portugal club Sporting Lisbon atangin a tan a, hemi hnu hian Manchester United, Real Madrid ah te khel kualin tunah hian Italy club Juventus tan a khel mek a ni.

Cristiano Ronaldo hi a hlawh hnem em em a, a khelhna apiangah in nuam tak a luah thin a ni. Inluah nana a sum sen zawng zawng hi £789million vel niin an chhut chhuak.

Engpawhnise, Madeira atanga Turin thlen a inluah leh a nunphung thenkhatte kan rawn tarlang ve leh dawn a ni.

A THAN CHHOHNA MADEIRA

Cristiano Ronaldo hi Funchal a piang a ni a, in tha vak pawh nilo atanga seilian a ni.

Room te takteah a unaupa leh unau te nen an awm ho a ni, rethei tak atanga seilian niin tunah chuan a nuamsa ang reng tawh hle.

 

Cristiano Ronaldo Family

Kum 2019 khan C Ronaldo chuan a fapa Cristiano Jr chu an inhlui a tlawh pui a, “Ka seilenna hmun ka hmuh tir avangin ka hlim hle” tiin C Ronaldo chuan TVI a hrilh.

“Kha tih lai khan midangin an lo luah ve a, keima dinhmun ang thova ding ve an ni. Mahse, ka kal sawn nghal, a chhan chu heng mi te hi ka hmu duh lo, ka rilru a khawih deuh dawna ka hriat avangin” tiin a inhlui luahtu te chungchang a sawi bawk.

Ronaldo chuan a bedroom hlui in a fapa Cristiano Jr a barakhaih thu a sawi. “Ka fapa chu ka lam lo hawiin, pa helai hmunah hian i cheng maw? tiin min zawt, a ring thei thlawt lo” tiin a sawi.

MANCHESTER

2003 atanga 2009 thleng kha Mancehster United tan a khel.

A team mates dang te ang thovin Alderley Edge area-ah a khawsa ve a ni.

£3 million mansion ah hian kum 3 vel a khawsa a, bedrooms 5 lian tak tak a awm a, mipa leh hmeichhia dressin rooms a awm bawk, pangpar huan zau tak a awm tel bawk.

A chhungah pawh property a awm nual a, indoor swimming pool, steam room, jacuzzi, gym leh cinema room te pawh a awm tel a ni.

MADRID

Manchester United lamah hun a hman hnuin Real Madrid chuan £80 million lai maiin an la lut a, an la sual lo chiang hle.

£4.8 million man lai mai in a luah leh a, he a inluah hi architect Joaquin Torres designed a ni nghe nghe.

He a inluah ah hian football pitch te a awm a, outside swimming pool leh chawlhna nuam tak a awm bawk.

TURIN

Kum 2018 khan Juventus chuan Real Madrid atangin an la lut a, Turin lamah pawh a inluah a tha ang reng hle.

Tuna a inluah lai hi security tha tak hnuaia awm a ni, he in hi Madrid lama a inluah nen khan inan deuhna a nei.

Gym, Swimming pool, leh thil dang pawh a awm nual a, a awmna hmun hi hmun nuam tak a ni bawk. Tunah hian naupang leh shop assistant hlui Georgina Rodriguez-i te nen an khawsa ho.

Police are reportedly investigating a burglary at Cristiano Ronaldo's home in Madeira, that was reported to them on Wednesday morning by a relative. Pictured: Ronaldo with his children at his 7-storey home in April. The thief reportedly got in through a garage door that was left open

Source The Sun Football

Please follow and like us: