‘Luxury items ka zuar thin a, mahse, chung ka thil zawrh te chu red carpet-ah inthuamna atan ka hmang tawh’

Cristiano Ronaldo hausakna chen chu Georgina Rodriguez tan thil awlsam a ni lo tih model Georgina Rodriguez chuan a sawi. C Ronaldo bialnu Rodriguez-i hian Netflix domentary lamah ‘I Am Georgina’ tih chu a tlangzarh dawn a, C Ronaldo nena an chen dun tan tirh lai vel khan chet dan a thiam vak loh thu a sawi chhuak.

Cristiano Ronaldo hian a supercars nalh tak maiin a hnathawhna hmun atanga a hruai thin thu Georgina Rodriguez-i chuan a sawi, Gucci-ah luxury items a zawrh thin thu leh Sales assistant a nih thu a sawi a, mahse, chung a thil zawrh te chu tunah chuan red carpet lama inlan nan a inbel thin thu a sawi tel bawk a ni.

“Bus hmangin ka kal a, mahse, Bugatti atang ka chhuak thin. Luxury items te zuar turin ka kal a, chung ka zawrh thin te chu red carpet-ah ka inbel. Followers millian chuang ka nei a, khawvel mipa tena an follow tam ber hmeichhia ka ni.” tiinĀ  Georgina Rodriguez-i chuan a sawi niin The SunĀ in a tarlang.

Georgina-i hian Cristiano Ronaldo chenna hmun a kal hmasak ber tuma a buai zia thu a sawi tel bawk. A chhan chu, C Ronaldo chenna kha a len em vang a ni a, a hmain hetiang ang building lian-ah ala chen ngai loh thu a sawi.

“Cristiano Ronaldo in-a ka kal hmasak ber tum khan, choka lama tui la tur ringawt pawh khan ka bo thei a ni. A chang chuan living room lama kir leh nan darkar chanve vel te hun ka hmang hman thin. A chhan chu, kawng ka hriat loh vang a ni, a lian ka ti tak zet. Ka naupan tet atangin apartments te tak teah ka chen thin vang a ni.” tiin Georgina Rodriguez-i chuan a sawi.

“Kum chanve hnuah chuan, engkim kha a awmna ka hre vek ta a ni.”

Source SL

Related Posts

error: Content is protected !!