Lukaku: Chelsea Champions League Nomawi Kha Ka Dek Lo, Villas-Boas Hi Ka Ngaidam Ngai Lovang

Romelu Lukaku chuan Andres Villas-Boas chu a ngaihdam ngai loh tur thu a sawi chhuak. A chhan chu Chelsea in Champions League nomawi an chawi tum khan Lukaku chu squad-ah Villas-Boas hian a telh loh vang niin AF chuan a tarlang.

Manchester United star hlui Romelu Lukaku chu kum 2011 summer transfer lai khan Stamford Bridge-ah Pound Million 17 lai maiin a lut a, kha tih lai khan Andres Villas-Boas pawh Di Matteo caretaker angin a awm ve a ni.

Advertisement

‘Roberto Di Matteo min hrilh dan chuan final zawh hma chu group-ah awm tur ka ni’ tiin Lukaku chuan Het Laatste Nieuws a hrilh niin AD chuan an tarlang.

“Di Matteo chuan mi zawng zawng kha telh vek a duh, suspend an awm pawhin, mahse, thenkhat chu Champions League squad-ah an tel lo. Champions League squad a ka tel avang pawh khan a chungah ka lawm hle.”

Advertisement

“Champions League-a hnehna chan chu ka lo suangtuah thin a, englai pawha ka suangtuah ve thin a ni. Kha tih lai angah kha chuan i team te nena han lawm kual vel chu i chak ve ngai ang”

“Kum 19 mi tan chuan thil lawmawm tak a ni, club-ah khan ka hlim em em a. Mahse, mi pakhat ka hlimna te la kiangtu a awm, chu chu trainer hmasa zawk Villas Boas hi a ni, kha thil avang khan engtikah mah ka ngaidam leh tawh lovang”

Advertisement

Lukaku chuan sawi chhunzawm zelin, a khelhna club Chelsea ten Champions League nomawi an chawi lai khan a kut hmawr pawha a dek loh thu a sawi.

“Ka kut zung hmawr pawhin ka dek lo, a chhan chu he trophy hi ka thawhchhuah a ni ve lo tlat” tiin a sawi.

“Hetiang ang deuh hi kum 11 mi ka nih lai atang tawh khan ka tawng zeuh zeuh a, trophy kan chawi tawhnaah ka tel ve loh chuan ka trophy a ni velo, Cup emaw title sualnaah ka tel ve chauhvin, ka inlan ngam ve ang” tiin a sawi bawk.

Advertisement

“Thil dang pawh i ngaihtuah thei ang, Villas Boas pawh pressure sang tak hnuaiah a awm, mahse, ngatinge pangai takin min treat loh. Coach hmasa zawk hi engtikah mah ka ngai dam ngai lovang.”

Source AF

Advertisement

Next Post

Ropui tura ruat sa em ni? Zinedine Zidane fapa 4 te Bihchianna

Fri May 22 , 2020
Zinedine Zidane hi a geneartion-ah chuan players ropui ber pakhat a ni, kum 1998 khan World Cup nomawi a chawi […]