London Derby-ah Chelsea an tlawm

Chelsea chuan point 3 hlu tak hlawhchhuah theihna an chan leh ta a, London lama an elpui West Ham United lakah 3-2 in an tlawm a ni.

Premier League

Result: West Ham United 3-2 Chelsea

Date: 04 December 2021

Venue: Olympic Stadium

Chelsea striker Romelu Lukaku chu bench-ah a zawnin vawi 3 a thutna a ni a, Reece James pawh a hliam te dam tawhin a rawn kir bawk.

First half-ah Chelsea lam an che tha viau, minute 28 na velah Hakim Ziyech cross chu goal ah a tauh lut a, hei hi tun season khelh mekah League goal a khung vawi 2 na a ni.

West Ham lam pawhin an rawn nawr thei hle a, Chelsea lamin an pet goal atanga minute 10 velah Mendy chu Jarrod Bowen lakah a foul hlauh mai, Manuel Lanzini’an penalty pet in draw na goal an khung ve leh.

Chelsea lamin rawn nawr lehin Ziyech chuan long ball hmangin Mason Mount a pass a, goal-ah a khung nghal first half ah Chelsea lamin 2-1 in hma an hruai a ni.

Second half tan an nih leh hnu minute 11 na velah Bowen chuan West Ham tan draw na goal a khung. West Ham United defender Kurt Zouma chu hliam a neih avangin lak chhuah a ni, David Moyes chuan defence lam ni lovin Pablo Fornals a luhtir thung.

Hun tawp dawn tepah DR Congo international Arthur Masuaku chuan sir lam atangin tha zetin ball a cross a, goal ah a lut hlauh mai. Hun a tawp meuh chuan West Ham lamin 3-2 in hnehna an chang ta a ni.

Source SL

Related Posts

error: Content is protected !!