Liverpool leh player hrang hrang te sawi zawm a ni a, season thar lo awm turah hian an squad pawh thuam nghet an tum ruh hle.
June 27 a Liverpoo transfer news round up thenkhatte kan rawn tarlang ve leh dawn a ni.
Tun summer transfer a Liverpool target
Donyell Malen hi Liverpool player lak luh duh zingah a awm mek. Season liamtaah khan PSV Eindhoven tan a che tha hle.
Duh ang anga insiksawi thei Forward Donyell Malen hi Euro 2020 khelh mekah pawh hian Bench atanga rawn lutin a che tha thei hle. Hei vang hian Europe club lian thenkhatte pawhin an duh a rinawm.
PSV Eindhoven manager Roger Schmit chuan Malen hi tun summer-ah a chhuak thut thei niin a sawi. Denzel Dumfries pawh Euro 2020 ah Netherlands tan a che tha hle a, chhuak thut thei dinhmunah a ding ve bawk.
“Donyell Malen leh Denzel Dumfries hi tun summerah an chhuak thut thei” tiin Schmidt chuan a sawi.
Bayern Munich lamin Liverpool targer Kingsley Coman chu an cluba awm rih turin chelh an tum
Bayern Munich in contract an pek chungchangah a lungawi loh vangin Kingsley Coman chu Liverpool lama insawn tur angin sawi a awm.
Kum 25 a upa Kingsley Coman’an Bayern Munich lama contract a neih hi kum 2023 thleng a la daih a, mahse, club lamin khelh tir tam se tih chu a duh ber a ni. A teammate tho Leroy Sane hian karkhatah £300,000 lai a hlawh.
Liverpool lamin Kingsley Coman hi duh mahse, aman atan €35 million chauh pek an inhuam a, Bayern Munich lam erawhin Coman man atan hian €50 million an chhiar thung.
Club pahnih te hi an inremtheih chuan, Coman representative pawhin a chhuah chu a duh niin report in an tarlang.
Anfield lamah Philippe Coutinho kir leh a duh
FC Barcelona lamah duh angin hun a hmang tha lo, Philippe Coutinho hian a career bul tan tha leh turin Liverpool lama kir leh chu a duhthusam ber niin report in a tarlang.
FC Barcelona hian an squad thuam nghet nan player lak luh an mamawh a, chumi pawisa atan chuan Coutinho hi tun summer ah €40 million in an hralhchhuak thut thei niin an sawi.
Philippe Coutinho Arsenal leh Liverpool nena sawi zawm anni a, Everton pawhin lak luh an duh ve bawk. Mahse, Coutinho chuan Anfield lama kir leh chu a duh.
Jurgen Klopp hian Liverpool lama sulhnu nei tawh Philippe Coutinho hi a la lut leh mai ang em?
Source SK