Liverpool manager Jurgen Klopp chuan Real Madrid star Toni Kroos chu Liverpool lamah lak luh a tum dawn niin report in an tarlang. German manager hian Liverpool midfield lam chu thuam that a tum a, hemi tur atan hian Bayern Munich player hlui Toni Kroos hi a tha ber turah a ngai.
El Nacional in a tarlan dan chuan Jurgen Klopp hian Summer transfer lo awm turah khian Toni Kroos chu ak luh ngei turin a intiam niin an tarlang. Toni Kroos’an a midfield lam a tih chak ngei Jurgen Klopp’an a ring a ni.
Toni Kroos’an Real Madrid lama contract a neih hi kum 2023 khian a zo dawn a, hei hi Liverpool lam chuan advantage rawn lak an tum. Kum khat ai tlem contract la nei rih mahse, Liverpool lam chuan aman tih tlawm sak deuh turin an ngen dawn niin an sawi.
Liverpool boss Jurgen Klopp’an hahip in Real Madrid star Toni Kroos a fak
Kumin kumtir lamah khan Jurgen Klopp chuan Toni Kroos leh German player ropui Bernd Schuster chu alo khaikhin tawh nghe nghe.
“Hunrei tak chu Kroos hi German football talent nei tha tak a ni tawh. A tir phat atang khan player ropui a ni. A la naupang viau nain Bayern Munich tan a sign a, Leverkusen lamah loan in a khel, Bayern lamah alo kir leh a, a che tha tak zet a, hemi hnu hian Real Madrid lamah a kir leh. Madrid-ah hian khawvel club footballer hlawhtling ber pakhat a ni, 2014 FIFA World Cup ah khan German chu a champion pui bawk.” tiin Jurgen Klopp chuan Toni Kroos a fak.
“Player hlawhtling tak pakhat a ni, kum 31 ni tawh mahse, ala upa lo. Thil tamtak ala ti thei dawn. Mifel tak a ni bawk, amah nen hian kan inhre tha lutuk lo mahse, kum khat vel tal kawl ka duh, a chhan chu football player mak dangdai tak a ni. A skill chungchang sawi ta ila, Bernd Schuster hi i hrelo maithei, Spain tana khel a ni a, German player atang chuan Kroos nen an inang hle. Toni hi a danglam a, a rang a, rang takin engkim mai hi a ti thei, sprinter a ni lo maithei, mahse, a rang a ni.” tiin a sawi bawk.
Kan hriat angin Liverpool chuan Bayern Munich atangin September 2020 khan Thiago an lo la lut tawh a. An midfield lam thuam thar nana lak luh ni mahse, duh angin an that phah lem lo.
Source SK