Liverpool manager Jurgen Klopp an Haaland a fak

Liverpool manager Jurgen Klopp chuan Manchester City striker Erling Haaland a fak hle a, tun nipui bazar a Etihad Stadium pantu hian City chakna a belhchhah thu a sawi.

Norway striker hian tun nipui bazar khan £51 million in City a zawm a, mi tam tak beisei ang chiah in a rawn che tha nghal hle. A club thar tan match 7 inlan tawh in goal 12 a khung der tawh!

City tana che tha tak Haaland chu Liverpool manager Jurgen Klopp an fak in,”Haaland hi footballer tha bik a ni a, amah vang hian City chu a hma zawng aia tha zawk anni. An khelhdan hi thlir vang vang ula, penalty area chhunga ball a rawn luh hian a hmun tur dik takah Halaand a rawn awm thin a, a tan chuan goal khung loh hi a harsa mah zawk ang” a ti.

Reds boss chuan squad an siksawi chungchang pawh sawi tel in ,”In hriat tura ka duh chu Pep ang chiah a ka thil hmuh lawk chu hun leh ni a danglam ang zel hian team squad pawh siksawi deuh deuh a ngai. Players tha kan lakluh rualin a tha thenkhat pawh kan chan thung. Sadio Mane ang te kha, kan game tina khel ziah ang a ni a, mahse kan chan. City lam pawh keini ang tho anni, Gabriel Jesus leh Sterling te kha City match pawimawh a inlan thin te anni. Tin, Zinchenko mai bakah an captain Fernandinho thlengin an chan. Khang player te kha City tan an pawimawh em em a, chutihrualin player tha tak tak an lalut nual tho” a ti bawk.

Premier League champion lai City hian Haaland mai bakah Phillips, Ortega, Gomez leh Akanji te chu tun nipui bazar a an player lakluh thar te anni.

Related Posts

error: Content is protected !!