Liverpool leh Chelsea aia Goal Difference neih san thatna chu Title race ah min puih dawn – Kevin de Bruybe

Manchester City Superstar Kevin de Bruyne chuan Liverpool leh Chelsea aia Goal difference neih san chu title race ah a puih thei dawn niin a ngai.

Manchester United lam hian goal difference lam an ngai pawimawh vak lo niin alang, mahse De Bruyne chuan season tawp hunah a pawimawh viau dawn niin a sawi a, game tinah hnehna chan zel a tum ruh hle.

Man City in 7-0 lai maia Leeds United an hneh hnu khan Kevin De Bruybe chuan ti hian HITC a hrilh.

“Level tha thei ang bera awm zel hi kan mamawh, kan khelh leh turah hnehna chan zel kan tum bawk ang. Goal difference hian min puih dawn chiang, mahse kan ngaihtuah angblo deihin, season tawp hunah a tangkai dawn a ni.”

Kevin de Bruyne hian Title Race kawngah Manchester City, Chelsea leh Liverpool te hi an inhnaih viau dawn niin a ring. Top 3 a lang lo Team hneh pawh thil harsa tak a nih thu a sawi.

“Inelna harsa tak pakhat a ni. Top 3 a lang lo team hneh pawh a harsa hle, game tamtak i hmu tawh ngei ang. Wolves leh West Ham te ang hneh pawh thil harsa tak a ni, hnehna chan pawhin goal difference 1 chiah ani thei khawp mai. Kumin zet zawng inelna harsa tak a ni, mahse, tumna kan nei ang” Tiin a sawi bawk.

Man City in Leeds United 7-0 lai maia an hneh tum khan De Bruyne pawhin goal 2 a khung a, City player che tha tak pakhat a ni.

Man City hian Premiere League game 17 an khelh atang points 41 an hlawh chhuak tawh a, pakhatna dinhmun an hauh mek. Pahnihna dinhmun hauhtu Liverpool niin Point 37 an hmu mek bawk.

Source Sk

Related Posts

error: Content is protected !!