Liverpool laka hnehna chan tum Sadio Mane

Bayern Munich forward thar Sadio Mane chuan a club hlui Liverpool an hmachhawn anih chuan an hneh ngei a rin thu a sawi.

Senegalese international hian tun nipui transfer bazar khan £35 million in Bayern Munich a zawm a, kum thum daih tur contract a ziak. Mane hian Anfield a kum 6 a cham chhungin club level trophy a chawi kim.

2019 khan Liverpool leh Bayern Munich te hi Champions League last 16 ah an lo inhmachhawn tawh a, 2nd leg a Allianz Arena ah Mane hian goal 1 a khung nghe nghe. Hemi tum hian aggregate in Liverpool lam hian 3-1 in hnehna an chang a, che tha chhunzawm zel in final a Spurs hneh in Champions League nomawi an chawi anih kha.

”Game tha tak kan khel in ka hria a, goal mawi tak ani bawk. Mahse khang kha chu thil liam tawh ani a, kan intawng leh anih chuan Bayern Munich kan nih ang in Liverpool hi kan hneh ngei ang” tiin a club hlui Liverpool an hmachhawn anih chuan hnehna chan ngei a duh thu 2022 African Player of the Year chawimawina dawngtu n a sawi.

Bayern Munich hian kar hmasa inrinni khan DFL Supercup match final ah RB Leipzig chu 5-3 an hneh a, he match ah hian kum 30 a upa Sadio Mane pawn a club thar tana a competitive game hmasa ber khel in goal 1 a khung ve nghe nghe.

Related Posts

error: Content is protected !!