Liverpool jersey-a hming sign duh lo Rio Ferdinand

Liverpool chuan season thar atana Premiere League game hmasa berah Fulham an hmachhawn a, game an khelh hma lawk hian Rio Ferdinand chuan Liverpool kawrah hming a sign duh lo.

Kan hriat angin Liverpool team te hi Craven Cottage lamah an zin a, BT Sport’s punditry team-ah Rio Ferdinand pawh hi a tel a, game khelh hma khan supporters te chu thla te a lak pui a, autographs te a sign a ni.

Mahse, Manchester United legend chuan Fulham section lama awm Liverpool home shirt ha pakhat chuan a signature a rawn dil a, mahse, polite taka hnarin pen a pe let.

Fan pakhat Liverpool jersey ha hian England defender hlui hnenah “I sign thei ang em”? tia a zawhna chu video clip-ah hmuh theih a ni. Amah ngei pawhin ti hian a sawi, “Liverpool kawra sign turin min ngen a nih chu, a aa ta em ni”? tiin fiamthuin a sawi ve bawk.

“Ka sign thei lo, Liverpool jersey-ah ka sign theilo” tiin Ferdinand chuan a chhang let.

Fan pakhatin a sawi dan chuan Liverpool jersey ha, Ferdinand signature diltu hian Ferdinand hnena pen a pek tawh chu a dil let leh nghal niin a sawi.

Ferdinand hian kum 2002 khan Leeds atangin Liverpool elpui ber Manchester United hi a zawm a, match 455 lai a khel a ni. Mahse, Rio Ferdinand hian a naupan deuh lai chuan Liverpool alo tan ve viau niin a sawi.

“Ka naupan lai kha chuan Liverpool kha team tha tak anni a, an che tha hle, John Barnes leh John Aldrige te an kawl a, kha tih lai khan Manchester United erawh chuan engahmah hnehna an chang lo” tiin Rio Ferdinand chuan kum 2009 khan MUTV alo hrilh tawh a ni.

“Peckham-a ka mates zawng zawng te kha Liverpool fans anni vek a, mahse, kei erawh club aiin John Barnes, Paul Ince, Paul Gascoigne te hi ka tan zawk daih.”

Source SB

Related Posts

error: Content is protected !!