Liverpool in Real Madrid forward manah €60 million offer

Liverpool chuan Real Madrid forward Rodrygo lakluh an duh a, a manah €60 million sen an inhuam niin Report in a tarlang.

Sadio Mane an Bayern Munich a pan fel tawh a, Liverpool chuan Sadio Mane hmunruak hnawhkhat tu turin Brazlian international kum 21 a upa Rodrygo an thlithlai.

Tun nipui transfer bazar ah Reds hian Benfica atangin Uruguay striker Darwin Nunez chu €98.7 in lalut tawh mahse an hmatawng lam ti chak zual turin Rodrygo an la duh cheu.

Liverpool hian forward tha tak tak Mohammed Salah, Luis Diaz, Roberto Firmino leh Diogo Jota te nei mahse attacking game khel manager Klopp an forward tam neih a pawi tilo.

Brazilian forward Rodrygo hian nikum khan Madrid tan inelna hrang hrang a game 49 a inlan atangin goal 9 leh assist vawi 10 nei tling mahse manager Carlo Ancelotti lakah a tla tlum lova, vawi tam tak substitute bench atanga dah luh ani.

Kum 21 a upa hi Liverpool lam in duh mahse Santiago Bernabeu a cham zel a la duh a, Madrid tan a theihna tak tak phochhuah a duh niin media te’n an tarlang.

A rampuipa Vinicius Jr pawn Madrid a zawm tirin harsatna a tawk a, Laliga ah insiamrem nan hun a duh, tunah erawh manager Ancelotti player hman tam ber te zinga mi ani tawh. Rodrygo pawh hian a rampuipa tihdan chu chhunzawm ve ngei a duh.

Related Posts

error: Content is protected !!