Liverpool chuan Real Madrid midfielder Toni chu summer transfer lo awm turah lak luh an duh niin report in a tarlang.
Toni Kroos’an Los Blancos lama contract a neih hi kum 2023 ah a zo dawn chauhva. Heng a contract neih avang hian Spanish club lian Real Madrid chuan kum 32 a upa Kroos hi summer transfer lo awm turah hralh chhuah ngei an duh a rinawm, a chhan chu free transfer a an chan mai a hlauhawm awm a ni.
El Nacional in a tarlan dan chuan Liverpool hian Toni Kross man atan €30 million lai mai Real Madrid pek an huam niin a tarlang. Hei mai bakah Toni Kroos chu Anfield lamah kum 3 daih contract offer an duh bawk niin an sawi.
Report in a tarlan zel dan chuan Liverpool boss Jurgen Klopp hian Anfield lamah midfielder thar lak luh a duh niin an tarlang a, Toni Kroos hi Liverpool squad-ah role pawimawh tak chelh tir an duh bawk. The Reds lam hian Toni Kroos hlawh chungchang pawh an sawi tel a, Real Madrid lama a hlawh ang tho pek an huam.
Kum 2014 khan Real Madrid chuan Bayern Munich atang Toni Kroos hi an la lut a, kha tih laia a man chu €24 million a ni. Real Madrid lama a insawn hnu hian Toni Kroos’an hma a sawn hle a, footballer tha tak pakhatah a inchhuah a ni.
Real Madrid tan all competion ah match 341 inlan tawhin goal 25 a khung mai bakah assist vawi 83 lai a nei tling. Kroos hian Real Madrid chu La Liga nomawi vawi 2 leh UEFA Champions League nomawi 3 lai a chawi pui a ni.
Tun season khelh mekah pawh Real Madrid tan a che tha hle a, Carlo Ancelotti hnuaiah beisei ang takin a che tha.
2021-22 season khelh mekah Real tan all competion match 21 a inlan tawh a, goal 3 a khung bawk. Tunah hian Real Madrid chu La Liga table-ah pakhatna dinhmun a hauh pui a, pahnihna dinhmun hauhtu Sevilla aiin point 5 in an sang mek.
Toni Kroos hi Real Madrid tan player pawimawh tak pakhat ni mahse, Real Madrid lamin contract dang pek belh an tum lo niin a lang.
Summer transfer lo awm turah Liverpool hian an la lut mai lovang maw?
Source SK