Liverpool legend Roberto Firmino rauhsan tak jersey numbr 9 chu Darwin Nunez an season thar atangin a ha tan dawn e.
Brazilian forward Firmino an free agent a Saudi club Al Ahli a zawm hnuin a jersey hak thin number 9 a awl a, heihi season hmasa lama jersey number 27 lo ha tawh tu Darwin Nunez chuan season thar atangin a ha dawn.
”Darwin Nunez chuan 2023-24 season ah hian jersey number 9 a ha dawn a ni” tiin Liverpool lam chuan thuchhuah an siam.
Liverpool fans te’n 2023-24 season jersey an lo lei tawh ‘Darwin 27’ tih chuanna chu ‘Darwin 9’ kawr thar in an leina dawr ah an thleng leh thei ang.
Nunez hian Liverpool legend thenkhat Roberto Firmino, Fernando Torres, Robbie Fowler, Ian Rush leh midangte lo hak tawh jersey number 9 ngei mai a ha dawn a, a lakah fans te beiseina pawh a sang chho viau dawn.
Uruguay international hian nikum nipui bazar lai khan €75 million + add ons €25 million in Benfica atangin Liverpool a zawm a, Reds player man to ber a ni.
Kum 24 a upa hian Merseyside club tana a season hmasa berah inelna hrang hranga game 41 (26 starts) a inlan atangin goal 15 leh assist vawi 5 a thawkchhuak a, Community Shield chawi in a team chu league ah panga-na niin season a kharpui. Reds tana a season hmasa berah beisei a phak lutuk lova, season tharah chuan jersey number thar nen chak zawka lo kir ngei a tum ang.
