Liverpool chuan Chelsea a hma hun chiang lo English attacking midfielder Mason Mount an ngaihven mek tih report chuan a tarlang.
Mount hian Stamford Bridge ah thla 18 daih bak contract a nei tawh lova, contract thar chungchangah tun thlengin club lam nen an la inrem fel thei lo. Chelsea academy graduate Mount hian contract thara a hlawh phut zat a tam em em a, club lam in pek an inhuam lo nia sawi a ni.
Klopp an nipui bazar ah midfield lai thawmthat a tum nasa a, Naby Keita leh Alex Oxlade Chamberlain te chuan free transfer in Anfield an chhuahsan hnai. Tin, James Milner leh Henderson te pawh an kum lam a uaithla ve tawh bawk nen, Liverpool hi anni ho thlaktu tur hian midfielder thar an lakluh nual a ngaih hmel.
Liverpool chuan Chelsea a hma hun chiang lo Mason Mount an ngaihven a, Mount hi Jurgen Klopp player duh tak ni a sawi a ni. Chelsea lam pawhin an midfielder hi a thlawn rum ro a chan ai chuan man neia hralhchhuah an hnial lovang.
Mount mai bakah Liverpool hian Borussia Dortmund midfielder Jude Bellingham lakluh an tum dawn bawk. Kum 19 a upa manah Dortmund lam chuan pound 150 million an chhiar hmel!
Liverpool leh Chelsea te hian tun season ah beisei an pha lo em em a, Reds hian league game 22 atanga point 35 hmu tawhin table ah 8-na anni mek a, Chelsea lam hian league game 23 atanga point 31 chauh la hmu in table ah 10-na anni bawk.
