Liverpool tan tun transfer window chu a zo thei tawh maithei, Jurgen Klopp sawi ang tak tak a nih chuan Liverpoo lam hian player thar an lak luh tawh a rinawm lo a ni.
Liverpool hian tun summer transfer window inhawn atang khan French defender Ibrahima Konate chiah an la lut rih a, ani hi RB Leipzig atang Pound maktaduai 36 (£36 million) in an la lut a ni.
European nomawi vawi 6 chawi tawhtu Liverpool leh player tha hrang hrang te sawi zawm anni ve an, mahse, a lan danah chuan Jurgen Klopp hi a player neihsa teah a lungawi thawkhat niin a lang.
“Tun hi summer a ni a, transfer window pawh hawn a ni, mi zawng zawngin player thenkhat lak luh an tum. Eng thil nge thleng zel dawn tih kan hmu ang. Kan squad te hi han en ila, full back thar lak luh emaw, goalkeeper thar lak luh kan duh em tih inzawt ta ila, player tha tak tak squad-ah an awm tawh a ni.” tiin Jurgen Klopp chuan TV2 a hrilh.
“Midfield-ah pawh experience nei tha tak tak kan kawl a, Thiago, Fabinho, Jordan Henderson, Alex Oxlade-Chamberlain leh Naby Keita te an awm a ni. Sawi belh zel ta ila, rawlthar layer Harvey Elliott leh Curtis Jones te pawh an la awm cheu. Attack lamah pawh nise, Sadio Mane, Roberto Firmino, Mohamed Salah, Diogo Jota, Xherdan Shagiri, Takumi Minamino leh Divock Origi te kan nei bawk.
“Midang hi chu ka theihnghilh hmak, player dang lei duh chuan, sum tamtak sen a ngai a, hetiang zah zah seng turin kan nei lo, a chhan chu player tha te kan kawl tawh a ni.”
“Player te thleng kual kan duh a nih pawhin, a theih reng e, player dang kan mamawh lem lo. He lai hmuna thil a thlen ang tho hian, hmundangah pawh a thleng ve thei tho a ni. Mahse, ngaihtuahnaah player thar dang lak luh lam a lang l” tiin Liverpool manager Jurgen Klopp chuan a sawi.
Source SL