Kan hriat angin 2020-21 kha Liverpool tan chan season duhawm lo tak ani ngei ang. A defence te atangin hliam nei an awm nual a, hei hian a hlawhchhuah chu trophy chawi lovin season an khar a ni. Tunah chuan an central defence lam pawh an tha thawkhat viau, hetihlai hian an hmatawng lam thawm that an tum ruh viau niin a lang bawk.
UEFA Champions League khelh mekah Liverpool hian group stage atangin record tha tak an siam a, hei mai a ni lo Jurgen Klopp leh a naute hian EFL Cup Final an lut tawh bawk. Premiere League lamah erawh Manchester City chuan hmahruaiin, Liverpool tan champion theihna chance la awm ve rih mahse, chance a chhe tawh hle.
Premiere League club lian pahnih Man City leh Liverpool hian an match khelh turah hnehna chang vek ve ve ta se, point 6 in an inthlau dawn a ni. Liverpool lam hi Etihad Stadium lama zin an la hmabak a, hei hian chance a pe thei dawn a ni.
Liverpool hian an squad thawm that hret hret an tum a, a bik takin midfielder leh forward hrang hrang nen sawi zawm anni mek. Engpawhnise, tun tumah hian tuna an transfer target hi la lut vek ta se, engtiangin nge line up an siam tak ang tih chu kan rawn tarlang ve leh dawn a ni.
An transfer target te hi la lut vek ta se, hetiang hi Liverpool line up tur chu a ni thei ang?
Goalkeeper – Alisson Becker
Right-back – Trent Alexander-Arnold
Centre-back – Joel Matip
Centre-back – Virgil van Dijk
Left-back – Andrew Robertson
Central Defensive Midfielder – Fabinho
Central Midfielder – Jude Bellingham
Central Midfielder – Jordan Henderson
Right Winger – Mohamed Salah
Centre-Forward – Paulo Dybala
Left Winger – Luis Diaz
Source SK