La Liga club lian FC Barcelona nena sawi zawm anih chungchangah Liverpool star Mohamed Salah a tawngchhuak.
Egyptian forward Mohamed Salah hi Liverpool tan a chet that em avangin, hunrei tawh tak atang khan Catalan club nen sawi zawm an lo ni tawh a.
Liverpool lama Mo Salah contract neih hi June 2023 thleng a awh dawn a, mahse, Liverpool lam hian contract thar pek an tum hnai niin report in an tarlang.
Kum 29 a upa Salah chuan Xavi Hernandez nena sawi zawm anih chungchangah tawng chhuakin, Anfield-ah ala hlim rih niin a sawi.
“Xavi Hernandez’an lak luh min duh chungchang ka chhiar” tiin Premiere League Golden Boot leader Salah chuan Egyptian broadcater MBC a hrilh.
“FC Barcelona teh meuhin lak luh min duh avangin ka hlim hle, mahse, Liverpool-ah hian ka la hlim a, hmalam hunah eng thil nge thleng dawn tih kan thlir zel ang.”
“Tun dinhmunah rih chuan, Khawvel league khawng ber Premiere League lama awm rih chu ka duh rih a ni.” tiin a sawi bawk.
Liverpool superstar Mohamed Salah’a thusawi avang hian Liverpool fans tamtak te an hlim hle niin The Sun Football chuan a tarlang.
Source SL