2021 Copa America group game hnuhnung berah Argentina chuan 4-1 in Bolivia chu an hneh a, he match ah hian Lionel Messi chuan goal 2 a khung mai bakah Argentina tan history thar a siam.
Albiceleste tana a gam hnuhnung ber a khelhah kum 34 a upa hi Argentina tana khel tam ber niin Javier Mascherano record dinglai chu a khum a ni. Mascherano hian Argentina tan games 147 lai a khel a, Bolivia an hmachhawn hnu khan Lionel Messi chuan record dinglai hi a khum a, tunah hian Argentina tan game 148 a khel tling tawh a ni.
Bolivia nen an hmachhawn tum hian Messi pawh a che tha hle a, goal 2 a khung mai bakah assist vawi 2 a nei tling. Heng a goal khung leh assist neih hi first half chhunga thleng vek a ni.
Minute 6 chauh an la khelhah Barcelona captain Lionel Messi chuan ball chip tha tak hmangin Alejandro Gomez chu siamsakin, goal-ah a chan tir ta a ni. Minute 33 na velah Messi chuan penaly petin goal ah a chantir a, hemi hnu rei vak lo minute 42 na velah goal a khung leh bawk.
Argentina chuan 2021 Copa America quarter final an lut nghal a, quarter final ah hian Ecuador an hmachhawn ang. Chutiang bawkin team dang khel tur te chu Uruguay vs Colombia, Brazil vs Chile, leh Peru vs Paraguay te anni.
Source Sl