Kan hriat angin Paris Saint-Germain chuan FC Barcelona atang free transfer in Lionel Messi an la lut a nih kha. Paris Saint-Germain hian kum 2017 atang tawh khan Lionel Messi an duhna an lo ti lang tawh a, hunrei tak chhung chu lak tumin bei mahse, an la lut thei lo. Tun summer transfer-ah erawh Barcelona in sum lamah harsatna an tawk hlauh mai, Lionel Messi contract pawhseina tur sum lamah harsatna an neih avangin PSG chuan an la lut thei hram a ni.
Tunah hian Messi’an PSG tan game ala khel lova, a game hmasa ber khel thuai tura ngaih a ni.
FC Barcelona leh Paris Saint-Germain te hian player an inthleng kual nasa hle a, Lionel Messi pawh hi Barcelona leh PSG tana khel kawp player 15 na a ni. Thiago Alcantara Brazillian sibling, Rafinha pawh Camp Nou leh Parc des Princes a khel kawp a ni bawk. Zlatan Ibrahimovic, Dani ALves, Neymar leh Ronaldinho te pawh hi an langsar hle.
Engpawhnise, Lionel Messi hi Paris Saint-Germain lamah che tha chho zel tura ngaih a ni a, record thar te pawh siam chho zel tura ngaih a ni bawk. Tun tumah hian record a siam theih tura rinkai 5 te kan rawn tarlang ve leh dawn a ni.
5 Season khata goal khung hnem ber – 50 (Zlatan Ibrahimovic)
Kum 2012 khan Zlatan Ibrahimovic hi PSG chuan an player ropui ber pakhat ni turin an la lut a. PSG lama a khelh hnu hian hma a sawn hle, PSG player ropui ber pakhat a ni. FC Barcelona leh Milan lamah duh angin che tha lo mahse, Paris-ah season 4 hun a hmang a, hemi chhung hian player tha ber pakhatah a inchhuah a ni.
Parisians tan match 180 a khelh atangin goal 156 lai a khung.
Kum 2016 khan Ibrahimovic hian Paris Saint-Germain tan all competion-ah goal 50 lai mai a khung a, an history bikah season khata goal khung hnem ber a ni mek. Tunah chuan Lionel Messi an la lut tawh a, goal khung lamah a che tha leh viau a nih chuan, he record hi a khum thei dawn a ni.
4 League 1 bikah a zawna goal khung rei ber – Goal 9 (Zlatan Ibrahimovic)
2015-16 season khan Zlatan Ibrahimovic chuan Ligue 1 bikah a zawnin vawi 9 lai mai goal a khung a, vawiin ni thlengin kha a record kha khum thei an la awm lo.
Lionel Messi hian he record ding lai hi a khum thei ang em?
3 Paris Saint-Germain tana goal khung thei upa ber – kum 36 leh thla 6 (Claude Makelele)
Paris Saint-Germain tana goal khung thei upa ber chu Makelele niin kum 36 leh thla 6 a nihin goal a khung a, he record hi an la khum theilo a ni. Lionel Messi’an PSG tun kum 2023 thleng contract a sign a, tunah kum 34 a ni a, 2023 ah chuan kum 36 a tling tawh ang. PSG tana goal khung thei upa ber a ni thei mai dawn niin a lang.
2 Paris Saint-Germain player atanga Ballon d’Or dawng thei hmasa ber a ni thei.
Footballer atanga politician ni ta George Weah hi tunah hia Liberia President 25 na a ni mek. Kum 2018 atang khan president hna hi a chelh tan a ni. George Weah hian kum 1995 khan Ballon d’Or alo dawng tawh a, African Player atang dawng thei awm chhun ani nghe nghe.
90s chho vel khan Liberian forward hi a che tha tak zeet a, kum 1995 khan PSG leh Milan tan a khel kawp a ni, Ballon d’Or a dawn lai hian Milan lamah a insawn der tawh. A lan danah chuan AC Milan player a nih angin Ballon d’Or hi a dawng a ni. Mahse, PSG kawr ha chung khan a che tha zawk a, Ballon d’Or a dawn phahna a ni nghe nghe.
Lionel Messi’an a dawng thei a nih ngat chuan PSG player atang Ballon d’Or dawng thei hmasa ber ani thei dawn a ni.
1 PSG player atang Ligue 1 goal 50 khung rang ber – Games 58 (Neymar)
Neymar chuan PSG tana Ligue 1 goal 50 khung nan match 58 chiah a mamawh a, an history bikah ligue 1 goal 50 khung thei rang ber ani mek. He record pawh hi Lionel Messi’an a khum thei dawn a ni.
Source SL