Lionel Messi’an Neymar jersey number 10 a chuh pui loh chhan a sawifiah

Lionel Messi’an Paris Saint-Germain a zawm tirh khan Neymar chuan jersey number hak tir a tum a, mahse, Messi chuan alo hnar, a hnar chhan a sawifiah niin report in an tarlang.

Hriat angin Lionel Messi chuan FC Barcelona atang French club lian Paris Saint-Germain a zawm hnuin Jersey number 30 a ha a nih kha.

Leo Messi hian kum 2008 khan FC Barcelona jersey number 30 hi alo ha tawh a, mahse, PSG a zawm hnuah erawh Neymar chu jersey number 10 la ha chhunzawm zel rih turin a duh pui.

“Number 10 hi chu ama ta a ni, kei chu team thar tanpui tura rawn lut chauh ka ni.” tiin Lionel Messi chuan France Football a hrilh.

“Phal takin jersey number 10 hi min pe a a tha tak zet, mahse, hak ka tum lem lo, a chhan chu Neymar hi ka hrechiang hle. Barcelona-ah khan hun kan hmang dun a, thian tha tak kanni.”

“Mahse, Jersey number 10 erawh ala hak rih hi a tha berin ka hria a, ka duh number dang ka thlang ta zawk a ni.” tiin Lionel Messi chuan a sawi.

Tun season khelh mekah Lionel Messi hi French club lian PSG tan duh angin ala che tha lova, All competition ah match 13 a inlan tawh atang goal 4 chiah ala khung thei rih a ni.

Source SL

Related Posts

error: Content is protected !!