Paris Saint-Germain forward Lionel Messi chuan FC Barcelona lama kir leh a duh thu a sawi nawn leh.
Tun hnai lawka interview naah kum 34 a upa Lionel Messi chuan Catalan club lama kir leh chu a duh a, Barca atang ngeia football chawlhsan leh advisory role-a awm chhunzawm chu a duh niin a sawi.
August thla khan FC Barcelona president Joan Laporta chuan Messi pa Jorge Messi hnenah club lamin sum lamah harsatna lian tak an tawh avangin Ballon d’Or vawi 6 dawng tawhtu Messi chu contract an pek theih loh tur thu a hrilh hnuin Catalan club hi a chhuahsan ta a ni.
Hunrei a liam hmain Lionel Messi chuan Neymar leh Kylian Mbappe awmna Paris Saint-Germain a zawm a, all competion ah match 9 a khelh atangin goal 4 a khung mek a ni.
Interview neihnaah Messi chuan engtikniah emaw barcelona lama kir leha, club puih chu a duh niin a sawi, football a chawlhsan hnuah nge a kir dawn tih leh football a chawlhsan hmain a kir ang tih erawh a sawi lang lo.
“Englai pawha ka sawi chu engtikniah emaw Barcelona lamah ka la kir ang tih hi a ni, a chhan chu Barca hi ka in a ni a, ka chenna a ni bawk.” tiin Lionel Messi chuan El Larguero a hrilh.
“Ka theih ang anga club tanpui hi englai pawha ka duh a ni, club puih theihna leh tih theih ka nei a nih chuan kir leh hi ka duh ber a ni.” tiin a sawi.
A teammate hlui Xavi Hernandez’an Barcelona enkawl chungchang ti hian a sawi.
“Xavi nen chuan, Barcelona hi a thangchho ngei ang.”
“Coach a ni tawh a, thil tamtak a hria a, mahni awmna in hrechiang tu ber a ni.” tiin a sawi bawk.
Source SL