Tun season tawp rual hian Paris Saint-Germain superstar Lionel Messi chu FC Barcelona lama kir turin a chhungte’n an nawr niin report in a tarlang.
El Nacional in a tarlan dan chuan, Lionel Messi nupui Antonela Roccuzzo chuan Barcelona khawpui lama kir a duh zawk niin a tarlang a, a chhan pawh Paris lamah duh angin life an hmang nuam vak lo niin an tarlang bawk.
Kan hriat angin kum 34 a upa Lionel Messi hi Paris Saint-Germain lamah duh angin bul a tan tha lem lova, hetihlai hian a nupui hmangaih em em pawh France weather condition leh tawng chungchangah harsatna a tawk ve bawk.
Nikum August thla khan Messi chuan FC Barcelona atang Ligue 1 club lian hi a zawm a, Catalan club lian a chhuahsan chhan pawh President Joan Laporta’an hunrei tak chhung awm turin duh mahse, contract thar erawh an tih hlawhtlin sak theih lovang a ni.
Lionel Messi contract thar turah khan a hlawh a tam hle a, hei hi Barcelona chuan an tih hlawhtlin sak thei lo, sum lamah harsatna hrang rhang an tawk a, Messi hlawh duh ang an pek theih loh vang a ni.
France lamah a insawn hnuin, Ballon d’Or vawi 7 lai dawng tawhtu Messi hian hliam neuh neuh a nei ve reng a, bul a tan tha lo hle.
Covid 19 te veiin, all competion a PSG match 3 lai mai a khelh loh phah nghe nghe.
A nupui duh tak Antonela Roccuzzo chuan Barcelona lama kir leh turin a nawr ve reng niin an sawi a, hei mai bakah Barcelona head coach Xavi Hernandez leh right back Dani Alves pawhin Messi chu Barca lama kir leh turin an nawr ve bawk niin report in a tarlang.
Lionel Messi pa leh agent ni tel bawk Jorge Messi chuan chuan Laporte’an Manchester City atang Ferran Torres €55 million lai maia a lak te kha tisual a ti hle niin a sawi.
Source SL