Kan hriat angin Lionel Messi leh Cristiano Ronaldo hi kum 10 chhung teh meuh mai football khawvelah a ber an hauh tawh a. Khawvel hmun hrang hrangah anmahni tantu tamtak an awm. Cristiano Ronaldo hi tunah hian kum 36 a upa a ni tawh a, Lionel Messi erawh kum 33 a upa a ni thung. Mahse, record siam theihna hun an la nei a ni.
Cristiano Ronaldo record neih, Lionel Messi’an a khum theih loh tur 5 te kan rawn tarlang tawh a, tunah hian Lionel Messi record neih Ronaldo’an a khum theih ngai loh tur 5 kan rawn tarlang ve leh dawn a ni.
5. European Golden Show Award dawng hnem lamah
European Goalden Shoe hi Europe League hrang hrang atang season khata goal khung hnem ber hnenah hlan thin a ni. Kan hriat angin Lionel Messi leh Cristiano Ronaldo hi goal khung lamah an duailo hle a, Golden Shoe pawh an dawng hnem tawh hle.
C Ronaldo’an European Golden Shoe a dawn hmasak ber chu Manchester United lama a khelh lai 2007-08 season khan a ni. Hemi hnu atang hian vawi 3 dang a dawng leh a, 2010-11, 2013-14 leh 2014-15 ah te a dawng a ni. C Ronaldo’an Golden Shoe hnuhnung ber a dawn tum hian Lionel Messi chuan 3 chiah a la dawng a, Ronaldo hian 4 a dawng.
Mahse, Lionel Messi hian a hnuah, a zawnin season 3 chhung teh meuh mai, 2016 atanga 2019 thleng khan he award hi a dawng a, tunah chuan European Golden Shoe Award vawi 6 lai a dawng tawh a ni. Ronaldo hi goal khung lamah bon viau mahse, Europe league hrang hrang atanga goal khung hnem ber a nih theih tawh a rinawm lo.
2020-21 season khan Robert Lewandowski chuan goal 41 lai mai a khung a, Golden Shoe award a dawng. Cristiano Ronaldo chu pathumna niin, Lionel Messi erawh pahnihna dinhmun a hauh. Tunah chuan Ronaldo hi kum 36 a upa a ni tawh a, Messi record neih khum tur chuan European Golden Shoe vawi 3 a dawn a ngai dawn a ni.
4. A zawna Ballon d’Or dawn rei lamah
2018/19 season khan Luka Modric chiahin Lionel Messi leh Cristiano Ronaldo chu Ballon d’Or ah break thei. Cristiano Ronaldo hian a zawnin Ballon d’Or vawi 2 a dawn laiin, Lionel messi chuan a zawnin Ballon d’Or award a dawng thei thung. 2009 atanga 2012 thleng khan a dawng a ni.
Tuna Ronaldo kum ngaih tuah chuan a zawna Ballon d’Or vawi 4 dawn chu thil harsa tak a ni tawh ngei ang.
3. Club pakhat tana goal khung tam lamah
Football hi a inthlak nasa thei hle a, club pakhat tan chauhva player pakhat nih hi tunlaiah chuan thil harsa tak a ni tawh ngei ang. Lionel Messi erawh chuan a career hman tawh zawng zawng kha FC Barcelona tan a hmang. Cristiano Ronaldo erawh Sporting Lisbon, Manchester United, Real Madrid leh Juvnetus tan a khel tawh.
Player pahnih hian record hrang hrang an siam a, Messi hian a club Barcelona tan goals 672 lai a khung tling tawh. Pele’an club pakhat tana goal khung tam ber nihna record an neih chu nikum December thla khan a khum. Pele hian Santos tan goals 643 lai a khung tling.
Cristiano Ronaldo hian Real Madrid tan match 438 a khelh atangin goal 450 lai a khung tling a, hei hi club pakhat tana a goal khung hnem ber a ni. Real Madrid tan hian a khelh leh a rinawm tawh lova, Ronaldo tan chuan Lionel Messi record neih hi khum a harsa tawh ang.
2. Calendar Year-a goal khung tam ber
Kum 2012 khan Lionel Messi tan a career bikah kum ropui tak a ni ngei ang. Kum 2012 khan Messi chuan a vawi 4 nan Ballon d’Or a dawng. Calendar Year-a a goal khung chu 91 lai a ni. Kha tih lai khan Calendar Year-a goal khung hnem ber goal 85 khungtu Gerd Muller record a khum a ni. He record a siam hi vawiin thleng tumahin an khum thei rih lo.
C Ronaldo’an Calendar year-a goal a khung tam ber chu goal 50 niin, kum 2017 khan a khung. Lionel Messi record hi a khum theih tawh a rinawm loh.
1. Ballon d’Or dawn tam lamah
Lionel Messi chuan kum 2019 khan a vawi 6 na atan Ballon d’Or a dawng leh a. Cristiano Ronaldo hian vawi 5 a dawng ve bawk. Kum 2020 Ballon d’Or kha cancel mahse, dawng tura rinkai ber chu Robert Lewandowski a ni.
Kum 2021 ah pawh hian Euros leh Copa America an khel leh dawn a, mahse, Ronaldo leh Messi tan Ballon d’Or a hnai vaklo niin a lang.
C Ronaldo hian Messi khum tur chuan Ballon d’Or vawi 2 a dawn belh leh a ngai dawn, rawlthar player te an rawn che tha zo zel a, anni pahnih tan Ballon d’Or a lang vak thei tawh lo.
Source SL