Quiz kan buatsaih te chhangtu in tam zel a, a lawmawm hle. Huapzau chuan Quiz dang pawh a buatsaih zel dawn a, football quiz chauh lo pawh quiz dang dang chhawpchhuah a ni ang. Quiz hian a tanpui ve ngei che ka ring.
Tuntumah chuan Ronaldo leh Messi quiz tlema zawng kan rawn chhawp chhuak ve leh e. A hnuaia thu post hi thai thla zel la, Quiz chhanna tur alo awm ang.
POST: C Ronaldo’an 2020 Euro-a Record a siam theih tur 5 te
Portugal superstar Cristiano Ronaldo chuan football khawvelah record tamtak alo siam tawh a, tun tum Euro 2020 khelh turah pawh hian record dang siam belh theihna a nei nual dawn a ni. Tun tum hi C Ronaldo tan a career bikah Euro a khelh tawpna tur ber pawh a ni thut thei.
Cristiano Ronaldo hian football-ah sulhnu tamtak a nei tawh a, a kum upa tawh mahse, 2019-20 season-ah khan European leagues hrang hrang atanga goal khung hnem ber a ni. Serie A Golden Boot race-ah Romelu Lukaku chu goal 5 lai maiin a hneh a nih kha.
Portugal in Euro 2016 an champion theihnaah pawh a pawimawh hle, kumin Euro khelh turah pawh hian rinrawl ber pakhat a nih ngei a rinawm.
Engpawhnise, Euro 2020 a Cristiano Ronaldo’an record thar a siam theih tur 5 te kan rawn thai lang ve leh e.
5. Euro Final khel tam ber Record
Kum 2004 khan Cristiano Ronaldo hian Euro game hmasa ber a khel. Kum 2016 khan Portugal chu UEFA European Championship nomawi a chawi pui. C Ronaldo hian Euro final vawi 4 a khel tawh a, Euro final vawi 4 khel tawh player 17 lai an awm. Kuminah Portugal in Euro final an lut a nih chuan a vawi 5 na a ni anga, Euro history-ah final khel tam ber a ni thei dawn a ni.
4. Euro final a goal khung hnem ber record
Cristiano Ronaldo hian Creece lakah Euro goal hmasa ber a khung a, tunah hian Euro final goal khung tam lamah Michael Platini a nih rual pui. Euro final-ah goal 9 ve ve an khung a ni. Kuminah Portugal in final an lut thei a, C Ronaldo’an goal a khung chuan Euro history a final goal khung hnem ber a ni ang.
3. Qualifying stage atanga chhutin Euro match khel tam ber record
Tunah hian Euro match khel tam ber chu Gianluigi Buffon a ni a, Italy tan match 58 lai a inlan a ni. Portugal star C Ronaldo hian Portugal tan match 56 a inlan ve bawk.
Tunah hian Gianluigi Buffon chuan international football a chawlhsan tawh a, C Ronaldo hian a khum thei dawn a ni. C Ronaldo’an match 56 a khelh tawh atangin hnehna vawi 36 a chang a, draw 12 neiin vawi 8 an tlawm.
2. Euro Final a goal khung thei upa ber record
He Record chelh mektu chu West Germany star Bernd Hölzenbein niin kum 1976 khan a siam a ni.
1. Ram tana goal khung hnem ber
Ram tana goal khung hnem ber chu Ali Daei niin goals 109 a khung a, tunah hian C Ronaldo’an ram tan goal 103 a khung ve bawk. Goal 7 a khung theih chuan a khum dawn tihna a ni mai.
QUIZ CHHANNA
https://quizzory.in/id/60bbb3f458b9b768e2e3a7b9
Points eng zat nge i score theih le?