Barcelona leh Inter Milan striker hlui Samuel Etoo chuan Lionel Messi chu Camp Nou lamah a la awm rih a ring a, tun summer-ah hian Nou Camp-ah contract thar a sign dawn niin a sawi.
Super Deportivo Radio in Eto’o chu interview an neih pui a, Etoo chuan Barcelona ni lo club dang tana a khel tur chu a ngaihtuah ngam lo niin a sawi.
“Messi hi Barcelona a ni. Club dang kawr a ha tur hi ka ngaihtuahnaah hian a awm theilo. Camp Nou hi a in a ni a, a club leh a hmangaih a ni bawk. A engkim mai hi Barcelona a ni.” tiin Samuel Eto’o chuan a sawi.
Samuel Eto’o leh Lionel Messi hi FC Barcelona-ah an khel dun tawh a, kum 2009 a an treble pawh khan an pawimawh dun hle. Samuel Etoo hian Messi hmalam hun thenkhatah khan thurawn a pe ve thin niin a insawi.
“Goal i khung chuan, i chungchuang/ i danglam bik ang. Goal khung turin football hi kan khel a. Ball khalh tlang char char mah la, goal i khung loh chuan a tha vek lo a ni tih i hre daw nia.” tiin Eto’to chuan thurawn a pe ve niin a sawi.
Thurawn a pek ve avang khan Etoo chu a lawm hle a, football history-ah player ropui ber pakhat ah a inchhuah a ni.
“Englai pawhin ka thusawi te a ngaithla thin a, hei vang hian a chungah ka lawm hle. Eng thu mah a sawi lova, mi ngawi thei tak a ni. Mahse, Practice naah erawh a ti tha thei hle.” tiin a sawi bawk.
Samuel Eto’o chuan Lionel Messi leh Sergio Aguero hian Barcelona-ah goal tam an khung theih a ring.
Kan hriat angin Sergio Aguero chuan Manchester City atangin Barcelona a zawm a. Tun summer ah khan Catalan club lian Barca in free agent in an la lut a ni.
Samuel Eto’o chuan Lionel Messi leh Aguero hian season thar lo awm turah goal 60 an khung theih a ring.
“Season tin goal 60 an khung lai kan hmu ang. Hliam tamtak atang Pathianin a ven him ngei ka beisei.” tiin a sawi.
Season thar lo awm turah Barcelona hi a that viau a rinawm, Sergio Aguero an lak luh mai bakah Nethelands star Memphis Depay pawh Olympique Lyonnais atangin free transfer in an la lut bawk.
Kar lo awm turah hian Messi chu free agent in a chhuak thei dawn a, mahse, an sawi danah club lamin kum 2 daih contract dang pek an tum niin an sawi. Contract thar a sign chuan kum 2023 thleng a awm dawn tihna a nih chu.
Source SK